TelesomDahabshiil
Published On: Sat, Dec 12th, 2020

Maxaa Kasoo Baxay Kulanka Ra’iisal Waasaraha Soomaaliya Iyo Madaxda Maamul Gobolleedka Punland Ee Garoowe

Araweelo News Network.

Garoowe(ANN)-Ra’iisal Wasaaraha Xukuumadda Federaalka ee Soomaaliya Maxamed Xuseen Rooble oo ku sugan Magaalada Garoowe ee xarunta Maamul goboleedka Soomaaliya ee Puntland, ayaa kulan la yeeshay Madaxweynaha dowlad gobolleedka Puntland Saciid Cabdullaahi Deni iyo Madaxweyne ku-xigeenka Axmed Cilmi Cismaan (Karaash).

Kulanka Ra’iisal wasaare Rooble la yeeshay madaxda dawlad gobolleedka maamulka Puntland, oo aan la ogayn ujeedada dhabta ah ee uu daarnaa, isla markaana Albaabada loo xidhay, waxa sidoo kale ka qayb galay Wasiirka Arrimaha Dibedda iyo Iskaashiga caalamiga ah ee dowladda Federaalka ee Soomaaliya Maxamed Cabdirisaaq Maxamuud.

Qoraal kooban oo kasoo baxay Villa Soomaaliya oo nuqul ka mid ah soo gaadhay shebeladdaha Araweelo News Network, ayaa lagu sheegay in lagaga hadlay arrimo ay ka mid yihiin wada shaqeynta dowladda Federaalka ah iyo maamulka Puntland, gaar ahaan arrimaha doorashooyinka iyo qodobbo kale oo aan lagu xusin qoraalka.

Sidoo kale, kulankaa ayaa lagu macbeeyay mid qayb ka ah kulamo wadatashi ah oo uu Ra’iisal Wasaaruhu la yeelanayo Madaxda Dowlad Gobolleedyada dalka, kuwaas oo ra’iisal wasaare Rooble ku doonayo sidii wadajir loogu waajihi lahaa, dhisidda dawladda Soomaaliya iyo xoojinta iskaashiga.

Balse warar kale oo laga helayo maagalada Garoowe, ayaa tibaaxaya in kulankaasi noqday mid aan waxba layskula meel dhigin arrimaha lagaga wada hadlay ee la xidhidihay doorashada iyo mawduucyo kale.

 

 

 

 

 

 

 

About the Author

- #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>