Share this:

" />
Telesom Dahabshiil
Published On: Thu, Jun 18th, 2015

Qaraxyo Waaweyn Oo Gilgilay Magaalada Sanca Ee Yemen

qaraxyemenSanca(ANN)Qaraxyo waaweyn oo khasaare dhliyay ayaa gilgilay magaalada Sanca ee Caasimada Yemen ee dagaaladu ka socdaan, wararka ayaa sheegaya in dad ka baddan 50 qof ku dhinteen Afar qarax oo lala beegsaday dhisme weyn oo xarun u ah Xuutiyiinta iyo goobo kale oo ay dadka Shiicada ah u baddan yihiin.

Kooxda Daacish ee IS, ayaa sheegatay in qaraxyadu ahaayeen Afar Gaadhi oo ay ku beegsadeen laba goobood oo khaas u ah Xuutiyiinta sidaana waxay ku shaaciyeen barta ay leeyihiin ee IS Online.

Qaraxyada ayaa kusoo beegmay iyadoo dhinacyada ku dagaalamaya Yemen tan iyo dhamadkii March 2015, wadahadalo uga furmeen shalay xarunta qaramada Midoobay ee Geneva.

IS, ayaa hore u sheegatay qaraxyo lala beegsaday Masjidyo ay dadka Shiicada ee Xuutiyiintu ku cibaadaysanayeen March, kuwaas oo ay ku dhinteen dad gaadhaya 130 qof.

Dhinaca kale waxay qaraxyada ka dhacay Sanca kusoo beegmeen maalin kadib markii lagu dilay duqaynta dhinaca Cirka ah ay ka fuliyeen gobolka Koonfur Bari Yemen diyaaradaha aan duuliyaha lahayn ee Maraykanku Hoggaamiyihii Ansaru Shareeca ee Al-Qaida Yemen Abu Baseer Nasser bin Abdul Karim al-Wuhayshi.

Waxaana weerarada lagu sifeeyay kuwo loogu aargudayo hoggaamiyaha la dilay, iyagoo Al-Qaida Yemen rumaysan yihiin in Xuutiyiintu u basaaseen Maraykanka, isla markaana sabab u ahaayeen weerarka lagu khaarajiyay hoggaamiyahooda.
Dhinaca kale Magaalada Koonfurta ee Cadan waxa ka dhacay weerar ay isku waajaheen saacadihii u danbeeyay dhinacyada ku dagaalamaya, iyadoo duqayn dhinaca Cirka ay ku dhinteen dad gaadhaya 30 qof duleedka magaalada istiraatiijiga ah ee Cadan.

Ugu yaraan 2,000 qof, ayaa ku dhintay dagaalka Yemen, wuxuuna sababay in kumanaan u dhashay dalka ka cacareen dagaalada, iyadoo kumanaan kale oo ahaa ajaanib ku sugnaa ka baxeen, isla markaana dalalkooda uga carareen dagaalada cirka iyo dhulka is qabsaday ee Yemen.

Dhinacyada Yemen ee wadahadalku uga socdo Geneva, ayaa awoodi waayay inay fuliyaan qorshe la doonayay in xabad joojin la sameeyo bisha barakaysan ee Ramadaan.

Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews.

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp