Share this:

" />
Published On: Mon, Feb 17th, 2020

Shirkadda Facebook Oo Ku Baaqday in la Sameeyo Shuruuc Lagu Xakameeyo Faafinta Macluumaadka Khatarta Ah

Share This
Tags

Warbixin: By; Suxufi Maxamed Cirro

Munich (ANN)- Shirkadda Facebook, ayaa ku baaqday in la sameeyo shuruuc lagu xakameeyo faafinta macluumaadka khatarta ah.

Mr. Mark Zuckerberg, oo ah 35 jirka Mulkiilaha aasaasay shebekadda caanka ah ee Facebook, ayaa ku baaqay in dowladaha caalamka looga baahan yahay inay la yimaadaan, isla markaana sameeyaan shuruuc iyo xeerar dowli ah oo wax lagaga qaban karo macluumaadyada khaldan.

Wuxuu tusaale usoo qatay arrimaha la xidhiidha been-abuurka (fake news), hadallada naxliga iyo nacaybka xambaarsan (hate speech), cunsuriyadda, marin-habaabinta (misinformation) iyo macluumaadyada halista ku ah amniga ee lagu faafiyo baraha bulshada (Social Media) ee ay ka mid yihiin; facebook, YouTube, Twitter iyo baraha kale ee bulshadu ku wada xidhiidho, kuwaas oo dunida saamayn weyn ku yeesheen waxyaabaha lagu faafiyo , dhinacyada amniga, dhaqaalaha iyo siyaasada.

Mulkiilaha Shirkadda Facebook oo hadal ka jeediyey shirweynaha Ammaanka ee lagu qabtay magaalada Munich ee dalka Jarmalka oo socday muddo saddex maalmaamood ah oo ka bilaabmay 14 February, soona xidhmay 16 February 2020 (maalmihii Jimce, Sabtida iyo Axadda), waxa uu sheegay in shirkadaha bixiya adeegyada isgaadhsiinta ee ay ka mid tahay Shirkaddiisa Facebook aanay keligood go’aan ka gaadhi karayn kala saarista macluumaadyada khuseeya cabbiraadda xoriyatul-qawlka sharci ahaan la ogol yahay iyo waxyaabaha halista ah ee aan waafaqsanayn xoriyadda hadalka bulshooyinka caalamka, balse waxa uu xusay in loo baahan yahay sharciyo dowladeed oo lagu kala qeexo arrimahaas been-abuurka ah.

Mr. Mark Zuckerberg oo hadalkaa ka jeediyay gebagebadii shirka oo ku beegnayd 15 February 2020, waxa uu caddeeyey in sidoo kale aan loo baahnayn in sida dalka Shiinaha oo kale ay dowladduhu sameeyaan shuruuc adag oo lagu xakamaynayo isticmaalka baraha internet-ka, taasoo uu sheegay inay meel-ka-dhac ku tahay cabbiraadda fikirka xorta ah iyo cabbiraadda hadalka.

Waxa muddooyinkii u dambeeyey soo baxayey caddaadisyo xooggan oo la saarayey shirkadaha xidhiidhka bulshada (Social Media) oo ay ka mid tahay Shirkadda Facebook, iyadoo laga dalbanayo inay si degdeg ah ula yimaadaan qorshayaal ay wax kaga qabanayaan macluumaadka been-abuurka ah ee lagu faafiyo aaladahooga Internet-ka.

Hasayeeshee, Mulkiilaha Shirkadda Facebook ayaa sheegay inay hirgeliyeen qaabab kala duwan oo lagu xakameeyo macluumaadyada beenta iyo nacaybka ah, maalin walbana ay hawada ka saaraan ilaa hal milyan oo akawnno been-abuur ah (fake accounts), sidoo kale ay hawlgeliyaan dad tiradoodu dhan tahay 35 kun oo qof oo ka shaqeeya sidii ay ula socon lahaayeen nuxurka macluumaadyada lagu dhex faafiyo shirkadda Facebook iyo baraha kale ee hoos yimaada, isagoo caddeeyey in dedaallada ay sameeyaan aanay wada daboolin karin dhammaanba inay xalliyaan dhammaanba macluumaadyada khaldan ee lagu faafiyo, sidaa darteedna ay dhinaca dowladaha caalamka uga baahan yihiin shuruuc lagu xakameeyo been-abuurka iyo faafinta hadallada nacaybka ah.

Halkan ka daawo muuqaalka Mulkiilaha Shirkadda Facebook oo dhammaystiran, qaybta uu kaga hadlayo shuruucda loo baahan yahayna waxay ka bilaabmaysaa daqiiqadda 19-aad ee muqaalka.

Halkan Riix

Waxa isku soo ururiyey suxufi Maxamed Cirro, Hargeysa, Somaliland

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

#8Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp