Telesom Dahabshiil
Published On: Tue, Mar 30th, 2021

Somalia: Diblamaasiyiinta Wakiillada Beesha Caalamka Oo Kulan La Yeeshay Ra’iisal Wasaaraha Xukuumadda Xilligeedu Dhammaaday

Araweelo News Network.

 

Muqdisho(ANN)-Diblamaasiyiinta ku sugan Soomaaliya, ayaa ku mashuulsan sidii ay dhinacyada hoggaamiyaaysha Somalia ee sida weyn isugu khilaafsan siyaasada isugu soo jiidi lahaayeen, waxaana jiray maamlihii u danbeeyay kulamo gooni gooni ah oo la yeelanayeen dhinacyada.

Somalia: Hoggaamiyayaasha Siyaasada Oo Sii Wata Go’aankooda Khilaafka Iyo Fashilka Shirka

Ra’iisal Waasaaraha Xukuumadda Federaalka Soomaaliya ee xilligeedu dhammaaday Maxamed Xuseen Rooble ayaa maanta xafiiskiisa ku qaabilay Diblamaasiyiinta Wakiillada ka ah Beesha Caalamka ee jooga Soomaaliya, kuwaas oo ay ka wada hadleen dardar gelinta iyo dhammeystirka arrimaha doorashooyinka iyo soo afjarida khilaafka.

Diblamaasiyiinta Wakiillada ka ah Beesha Caalamka iyo Ra’iisal wasaare Rooble, ayaa kulanka ku faaqdiday sidii xal looga gaadhi lahaa muranka, isla markaana hawsha loo bilaabi lahaa si waafaqsan heshiiskii 17-kii September,2020 iyo soo jeedintii guddigii farsamada ee Baydhabo.

#Amb. James Swan,Madaxweynaha Dadban Ee Soomaaliya Iyo Kooxdiisa oo Diyaarnaya Qorshohooda Siyaasada Soomaaliya,

War-saxaafaeed kooban oo kasoo baxay xafiiska Ra’iisal Wasaare Rooble kulanka kaddib ayaa lagu sheegay inuu shacabka Soomaaliyeed iyo saaxiibada caalamka u xaqiijiyay in Dowladda Federaalka Soomaaliya ay mar walba diyaar u tahay xal u helida arrimaha doorashooyinka iyo in ay si shuruud la’aan ah ugala xaajooto cid kasta oo ay khusayso, welina ay furan tahay gogoshii wadahadalka arrimaha doorashooyinka.

“Waxaan mar kale u xaqiijinnay shacabka Soomaaliyeed iyo saaxiibada caalamka in dowladda Federaalka Soomaaliya diyaar u tahay in doorasho dalka ka dhacdo sida ugu dhaqsiyaha badan, si waafaqsan heshiisyadii doorashada la xidhiidhay ee hore loo gaadhay, wadahadalna lagu xalliyo madmadowga jira” ayaa lagu yidhi war-saxaafeedka.

Dhinaca kale, waxa lagu sheegay war-saxaafeedka in dowladda Federaalka Soomaaliya ay mar kale ugu baaqeyso madaxda dowlad-gobolleedyada ka maqan Shirka Wadatashiga Qaran ee Arrimamaha Doorashooyinku in ay ku soo biiraan, si arrimaha lagu kala duwan yahay loogu xalliyo miiska wada hadalka, dalkana ay uga qabsoonto doorasho daah-furan.

Madaxda maamul gobolleedyada Soomaaliya ee JubaLand iyo Puntland ayaa hore ugu gacansaydhay in ay ka qaybgalaan shirkaa, iyagoo ku xidhay shurruudo adag.

 

 

About the Author

- #Arraale Mohamoud Jaama, a Freelance Journalist and Human Rights Activist and over 20 year experience as a Career Journalism and human rights activist, as well as a writer and investigation journalism on a wide range of topics related to social issues, human rights, politics, security, economics, democracy, good governance, and events in the region and around the world and Worked for the Somaliland Newspapers, in 2008 established website #Araweelo #News #Network, which based in Somaliland he is a currently runs, #Arraale is a Specializes in the investigation and reporting on issues to human rights, democracy, and good governance. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp