#Araweelo_News_Network
Muqdisho (ANN)- Ra’iisal Wasaaraha Xukuumadda Jamhuuriyadda Federaalka Soomaaliya Xamsa Cabdi Barre, ayaa xadhigga ka jaray Xarunta Bangiga Dhiigga Qaranka oo ay baahi weyn u qabeen bulshada Soomaaliyeed.
Qoraal kooban oo kasoo baxay xafiiska Ra’iisal Wasaare Xamse oo soo gaadhay Shabakaddaha Araweelo News Network, ayaa lagu yidhi sidan;-
“Ra’iisal Wasaaraha ayaa sheegay in Xukuumadda DanQaran ay xoogga saarayso horumarinta iyo soo-noolaynta adeegyadii bulshada oo ay ugu horreeyaan Caafimaadka iyo Waxbarashada.
Ra’iisal Wasaaraha ayaa ku ammaanay Wasaaradda Caafimaadka iyo Daryeelka Bulshada hirgelinta xaruntani oo ka tarjumeysa xaqiijinta yool muhiim ah, maadaama uu dalkeennu kamid yahay waddamada ay ka dhacaan musiibooyinka, taas oo lagama maarmaan ka dhigeysa in la helo xarun keydisa dhiigga.
Bangiga Dhiigga Qaranka oo la aas-aasay sannadkii 1976 dii ayaanan hawlgelin muddo ku dhow soddon sanno, waxaana dib-u-howlgelintiisu ay buuxin doontaa baahi weyn oo ay dadka Soomaaliyeed u qabeen in ay helaan keyd loogu hagaago dhiigga.
Wixii Faah-faahin ah kala xidhiidh
Afhayeenka Xukuumadda, ahna Agaasimaha Warfaafinta iyo Xidhiidhka Dadweynaha XRW
Farxaan Maxamed Jimcaale
farhan.jimale@opm.gov.so
media@opm.gov.so
Muqdisho, Soomaaliya
