Telesom Dahabshiil
Published On: Sun, Apr 11th, 2021

Somaliland: Madaxweyne Biixi Oo Daaf-furay In Ka Badan Boqol Dugsi Waxbarasho Iyo Xarumo Ardayda Ka Caawinaya Wax Akhriska

Araweelo News Network.

 

#Hargeysa(ANN)-Madaxweynaha #Jamhuuriyadda #Somaliland,  Muuse Biixi Cabdi, ayaa xadhigga ka jaray 106 dhisme waxbarasho oo isugu jira 100-dugsi, 5 xarumood oo wax Akhris (Library) iyo dhismayaal kale oo loo bineeyey wasaaradda waxbarashada iyo sayniska Somaliland.

Goobahaa oo dhammaantood laga maalgeliyey miisaaniyadda qaranka ee 2020/21 iyo hay’addaha kale ee qaadhaanka siiya Somaliland, sida ay sheegeen masuuliyiinta Wasaaradda Waxbarashada iyo Sayniska Somaliland iyo iyaguna ka hadlay munaasibada.

Madaxweyne Biixi oo xadhiga ka jaray Munaasibadda oo lagu qabtay xarunta wasaaradda waxbarashada, waxa ku weheliyay masuuliyiinta ugu sarraysa wasaaradda waxbarashada, xubno kamid ah golaha wasiirrada, guddoomiye-ku-xigeenka labaad ee xisbiga KULMIYE, saraakiil sare iyo shaqaale kala duwan oo ka tirsan bahda waxbarashada, iyo marti-sharaf kale, waxana halkaas laga jeediyey hadallo lagu faah-faahiyey jidkii wasaaraddu u martay inay dhismayaashaa waxbarasho dalka ka hirgeliso, si loo daboolo baahida waxbarasho ee waddanka ka jirta.

Madaxweynaha Jamhuuriyadda Somaliland, Mudane Muuse Biixi Cabdi, waxa uu Daah-furay Barnaamijka AQOONJIRE oo ah Barnaamij duruusta manhajka oo duuban lagu shubayo Tablets cadceedda ku shaqeeya, waxbarashadana lagu gaadhsiinayo Ardayda miyiga. Sidoo kale, waxa uu madaxweynuhu daahfuray muuqbaahiyaha waxbarashada (Somaliland Education Channel) oo ay si joogto ah uga baxayso waxbarashada dugsiyada dalku.

 

Wasiirka wasaaradda  waxbarashada Somaliland, Axmed Maxamed Diiriye (Toorno), wasiir-ku-xigeenka, Mudane Axmed Xasan Nuur iyo agaasimaha guud,  Axmed Abokor oo dhinacooda hadalo ka jeediyay munaasibada, ayaa si qoto dheer u sharraxay muhiimadda ay leedahay in ballaadhinta iyo casriyayn lagu sameeyo dugsiyada waxbarashada ee ay wasaaraddu gacanta ku hayso iyo tayeynta waxbrashada, iyadoo laga duulayo siyaasadda qaranka ee waxbarashada lagu gaadhsiinayo dhammaanba ubadka yar yar ee reer Somaliland.

Madaxweynaha Jamhuuriyadda Somaliland, Muuse Biixi Cabdi, ayaa xadhiga ka jaray dhismayaasha iyo mashaariicda kala duwan ee wasaaraddu hirgelisay, wuxuuna  uu halkaas ka jeediyey khudbad salka ku haysa muhiimadda waxbarashadu leedahay iyo sida loogu baahan yahay inay waxbarashadu horseed ka noqoto in la curiyo afkaar cusub oo horumar horseedi kara.

 

Madaxweynuhu waxa uu hoosta ka xarriiqay in wasaaradda waxbarashada looga baahan yahay inay dadka indhaha u furto, wacyiga bulshada, isku-duubnida iyo wax qabsashada shacabkana kor u qaaddo.

“Wasaaradda waxbarashada waxa looga fadhiyaa in da’yarta ay gacanta ku hayaan inay abuurto inuu dadkeennu wax qabsado, ku gaadhi maynno horumar hay’adoow noo soo gurmada, waxana aan leeyahay ra’yigaas waa inaynu ka baxnaa, mana jiro qof ay gacan kale horumarisay, waase lagu caawin karaa. wasaaraddan waxaynu ka doonaynaa inaynu maskaxdeena ku samayno inay noqoto mid wax ikhtiraacda,” ayuu yidhi madaxweyne Muuse Biixi Cabdi.

Gebagebadii madaxweynuhu ku ammaanay bahda waxbarashada dedaalka ay ugu jiraan inay waxbarashada gaadhsiiyaan meelaha miyiga ah ee magaalooyinka ka fog, si loo badiyo fursadaha ay da’yarta soo koraysaa ku heli karto waxbarasho joogto ah.

Araweelo News Network.

info@araweelonews.com

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp