Hargeysa(ANN)Wasiirka Arrimaha Guddaha Somaliland Cali Maxamed Warancade, ayaa ka hadlay weerarkii todobaadkii hore lagu qaaday Guriga Badhasaabka Awdal Maxamuud Cali Saleebaan (Ramaax), weerarkaa oo lala xidhiidhiyay Suldaan Abubakar Cilmi (Wabar) iyo malayshiyadiisa, isla markaana sababay khasaare dhimasho iyo dhaawac ah.
Wasiirka Arrimaha Guddaha Somaliland Cali Warancade oo shir jaraaid maanta ku qabtay xafiiskiisa magaalada Hargaysa, ayaa sheegay in kooxda Suldaan Wabar ay dhabarka soo taabato dawlada Somaliya oo uu sheegay inay jeceshahay inay Somaliland noqoto mid ay isku eekaadaan dalka Somalia ee colaaduhu hadheeyeen.
Warancade, wuxuu ugu Baaqay kooxdaa inay isu soo dhiibto Ciidamada nabadgalyada Somaliland, isagoo yidhi, “”waxaan ugu baaqayaa Kuwa yar ee ka sii midka ah kooxda suldaan weber ee lagu daba jiro waxan u soo jeedinayaa inay isu dhiibaan ciidamada nabad galyada somaliland intaanay naftoodu khal-khal galin ”.ayuu yidhi Wasiir Waran Cade.
Dhinaca kale Kooxda loo tirinayo weerarka, oo marar baddan ka gaysatay weeraro khasaare dhaliyay deegaankaa, ayaa weeraradooda lagu macbeeyay kuwo la doonayo in nabadgelyda Somaliland wax loogu dhimo, waxaana jira warar sheegaya in dhinaca Ethiopia oo Kooxda dablayda ahi ku dhuumaalaysanaysay hadda culuys weyni kaga yimi, isla markaana qaar kamid ah malayshiyadaa lagu qabtay deegaanka Aw-Barre ee gudaha Ethiopia , iyadoo dawlada Ethiopia amar kasoo saartay inuu ka baxo xadkeeda, taas oo uu ku sheegay Suldaan Abubakar cajalad Video laga soo duubay inuu aqbalay, isla markaana dhinaca xadka Somaliland usoo talaabay.
wixii ka danbeeyay weerarkii ay todobaadkii hore ku qaadeen guriga Badhasaabka Awdal, waxaana weerarkaa loo xidhay Maayarkii hore ee Boorama Saleebaan Xasan Xaddi iyo ku dhowaad labaataneeyo qof oo isugu jira ganacsato, Odayaal iyo dhalinyaro.
Araweelo News Network
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews
WhatsApp + 252 63 442 5380
Send an SMS or MMS to + 252 63 442 5380
