Published On: Sat, Aug 18th, 2018

Xukuumadda Soomaaliya Oo Masuuliyiinta Safaaradadeeda Dalka Suudaan Ku War Gelisay Inay Deg Deg Ugu Soo Laabtaan Muqdisho

Smiley face

Araweelo News Network

 

 

Muqdisho(ANN)–Xukuumadda Federaalka ah ee Soomaaliya, ayaa ku amartay Masuuliyiinta Safaaradadeeda Dalka Suudaan Inay si deg deg ah ugu soo laabtaan Magaalada Muqdisho.

sidaana waxa lagu sheegay war qoraal ah oo kasoo baxay Wasaaradda Arrimaha dibadda oo fulinaysa ammar kasoo baxay xafiiska Ra’iisal wasaare Khayre.

Warka qoraalka ah oo nuqul ka mid ah soo gaadhay shebekadda Araweelonews.com, ayaa u qornaa sidan:-

 

“Wasaaradda  arrimaha dibadda iyo Iskaashiga caalamiga ah oo fulinaysa amarka Ra’iisal Wasaaraha xukuummadda federaalka Soomaaliya mudane Xasan Cali Khayre ayaa ku wargeliyay sii hayaha safaaradda, dhammaan diblamaasiyiinta iyo u-qaybsanayaasha ka hawl gala safaaradda Soomaaliya ay ku leedahay magaalada Khartuum ee dalka Suudaan in si deg deg ah ku ugu soo laabtaan xarunta wasaaradda arrimaha dibadda si wadatashi loola yeesho mudda ku siman laba toddobaad oo ka bilaabanaysa 19/08/2018.

Amarka oo maanta (18/08/2018) kasoo baxay wasaaradda arrimaha dibadda iyo Iskaashiga caalamiga oo uu ku saxeexanyahay xoghayaha joogtada ah ee wasaaradda, Danjire Siciid Xaaji Maxamuud, ayaa lagu war-geliyay masuuliyiintaa in ay dhawraan waqtiga loo qabtay in ay dalka kusoo laabtaan.

U yeedhida diblamaasiyiinta iyo hawl-wadeennada safaaradda Soomaaliya ay ku leedahay Khartuum ayaa ka dambeeyay cabsasho ardayda Soomaaliyeed ee Suudaan ay ka gudbiyeen mas’uuliyiinta safaaradda intii lagu guda jiray safarkii dhawaan uu Ra’iisal Wasaare Xasan Cali Khayre iyo wafdi uu hogaaminayo ay ku tageen Khartuum.” ayaa lagu yidhi Warkaa .

–DHAMMAAD—-

Xafiiska Warbaahinta iyo Xidhiidhka
Muqdisho, Soomaaliya

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp