Madaxweynaha Ukraine Volodymyr Zelenskyy ayaa sheegay in 30% xarumaha Korontada ee Ukraine la burburiyay.
Araweelo News Network
Kyiv(ANN)-Xaaladda dalka Ukraine, ayaa sii adkaanay, iyadoo dagaalku marayo siddeed bilood, waxayna weli Ruushku wadaan duqaymaha magaalooyinka waaweyn, kuwaas oo la xoojiyay kaddib qaraxii Buundada Crimea.
Maamulka Ukraine ayaa sheegay in ay soo rogi doonnaan xannibaado xilliga isticmaalka korontada laga bilaabo Khamiista, taas oo ka dhalatay sii socoshada weerarada Ruushka ee dhowrkii maalmood ee la soo dhaafay oo curyaamiyay kaabayaasha tamarta.
Saraakiisha, ayaa sheegay in Korontada la xadidi doonaa inta u dhaxaysa 7 subaxnimo iyo 11 galabnimo.
“Maanta cadowgu wuxuu mar kale burburiyay tas-hiilaadka tamarta, waxaa lagama maarmaan ah in la yareeyo isticmaalka korontada,” sidaana waxa shaaciyay hawlwadeen ka tirsan sarakiisha Tamarta ee Ukraine.
Kyrylo Tymoshenko, oo ah ku xigeenka madaxa xafiiska Tamarta ee Ukrenergo, ayaa yidhi, “Qof walba waa inuu diyaar u yahay, marka hore, si uu u badbaadiyo Korontada, iyo marka labaad, korontadu waa go’aan sidoo kale waa suurtogal haddii ay weeraradu sii socdaan in la waayo.”
Madaxweynaha Ukraine Volodymyr Zelenskyy ayaa Salaasadii sheegay in 30% xarumaha Korontada ee Ukraine la burburiyay.
Ulraine, ayaa la kulmaysa xaddidaadaha korantada lagu dhawaaqay Khamiista, taas oo wer-werkeeda leh, maadaama xilliga jiilaalka ee Yurub cabsida weyn ka qabto kusoo hayo fooda.
“Kama saarno taas marka ay bilawdo cimilada qabow, waxaan ku weydiin doonnaa caawintaada xitaa marar baddan.” Kyrylo Tymoshenko.
Arrimahan ayaa dhacaya, iyadoo Arbacadii Toddobaadkii hore, Madaxweynaha Ruushka Vladimir Putin ku dhawaaqay in afarta gobol ee Ukraine ay kala wareegtay Moscow lagu soo rogay xukun Millateri.
Dhinaca kale, Xilliga Jiilaalka ee qabawga ayaa fooda kusoo haya dalalka Yurub, iyadoo Madaxweyne Putin la sugayay xilligaa inuu wixii awooddiisa ah kala ayaansado Yurub si uu uga dhigo jiilaalka nollosha Yurub mid aad u adag.
Toddobaadyadan oo Ruushku kordhiyay duqaymaha ku waajahan Ukraine, waxay Ciidamada Ruushku duqaynayaan kaabayaasha addeegyada aasaasiga ah ee Ukraine, oo ay ku jiraan sahayda biyaha, saldhigyada korontada iyo dhismayaasha la deggan yahay , waxaana mararka qaarkood duqaymaha loo isticmaalayaa diyaaraddaha aan duuliyaha lahayn ee drones-ka ee lagu sameeyay Iran oo lagu magcaabo Kamikaze.
Please share with your friends the news and information provided by Araweelo News Network.
Published by Araweelo News Network.
Follow us Twitter@Araweelonews
Facebook@AraweeloNews
instagram@araweelonews
tiktok.com/@araweelonews
araweelonews.tumblr.com
@araweelonews /
By Arraale M Jama Freelance Journalist and Human Rights activist.
Araweelo News Network.
info@araweelonews.com
