Share this:

" />
Published On: Wed, Dec 20th, 2017

Ra’iisal Wasaare Khayre Oo Ka Hadlay Munaasibad Lagu Xusay Sanad-guuradii 74aad Ee Ciidanka Booliska Soomaaliyeed

Smiley face

Araweelo News Network

Muqdisho(ANN)-Ra’iisal Wasaaraha Xukumadda Federaalka ee Soomaaliya Mudane Xasan Cali Khayre, ayaa  ka qeyb galay sannad-guurada 74-aad ee aas-aaska Ciidammada Booliska Soomaaliyeed, wuxuuna hambalyo u diray dhammaan Taliska iyo qeyaha ciidamadda Booliska munaasabadda 20-ka December awgeed.

Mudane Khayre waxuu tilmaamay muhiimadda ay ciidanka Booliska u leeyihiin Qaranka islamarkaana ku amaanay sida geesinimada leh ay u gudanayaan waajibaadkooda. Isagoo ubax dhigay taallo loo sameeyey askartii ku shahiiday falkii argagixiso ee dhowaan ka dhacay dugsiga tababarka Booliska ee Jen. Kaahiye.

Boliska Somalia

“Waxaan hambalyo u dirayaa Taliska iyo heerarka kala duwan ee Ciidanka Booliska Soomaaliyeed oo aan maanta u dabaal dagayno sanadguuradii 74-aad ee ka soo wareegatay aas-aaskooda. Ciidanka Booliska Soomaaliyeed waa hooyadda dhammaan ciidammada kala duwan ee Soomaaliya leedahay”.Ayuu yirdhi Khayre.

Booliska Somalia

Ra’iisal  Wasaare Khayre, ayaa sidoo kale sheegay in Boolisku yahay halbowlaha nabadda iyo dhowrista sharciga, isagoo ugu baaqay inay laban laabaan waxqabadkooda oo ay  feejignaadaan hadh iyo habeenba, si looga hortago, wuxuu ugu yeedhay dhagarta caddowga, loona baajiyo dhiiga shacabka oo ay kooxaha nabadiidku sida micno darida ah u daadinayaan.

Waxaa goob joog ka ahaa munaasabadda xubno ka tirsan labada gole, gobolka Benaadir, saraakiil, diblomaasiyiin iyo mas’uuliyiin kale, iyadoo halkaasina lagu soo bandhigey gaada ka ciyaar qurux badan oo sameynayeen ciidanku.

—DHAMMAAD—-

Axmed-nur Maxamed
Xafiiska Warbaahinta iyo xidhiidhka
Muqdisho, Soomaaliya

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face