Share this:

" />
Published On: Thu, Sep 6th, 2018

Somalia: Golaha Wasiirrada Oo Ka Hadlay Hummaaga Doorashooyinka Iyo Dib-u-habaynta Nidaamka Maaliyadda

Smiley face

Somalia: Golaha Wasiirrada Oo Ka Hadlay Hummaaga Doorashooyinka Iyo  Dib-u-habaynta Nidaamka Maaliyadda

 

Muqdisho(ANN)-Ra’iisal wasaaraha xukuummadda federaalka Soomaaliya Xassan Cali Khayre, ayaa shir-guddoomiyay kulan golaha wasiirradiisu ku yeesheen maanta magaalada Muqdisho oo looga hadlay hummaaga sharciga doorashooyinka 2020-ka iyo dib-u-habaynta maaliyadda iyo ololaha loo bixiyay is-xilqaan.

 

Sida lagu sheegay qoraal saxaafadeed kulankaa kadib laga soo saaray xafiiska ra’iisal wasaare Khayre oo soo gaadhay shebekadda Araweelo News Network, waxa lagu yidhi, “Ugu horrayn wasiirka arrimaha gudaha iyo federaalka, Cabdi Maxamed Sabriye, ayaa golaha wasiirrada warbixin faah-faahsan ka siiyay diyaarinta sharciga doorashooyinka 2020-ka oo heer gebagebo ah maraya dhowaanna wadatashi lagala samaynayo bulshada qaybaheeda kala duwan iyo dowlad gobaleedyada, ka hor inta aan la hor-gayn golaha wasiirrada.

 

Wasiirka maaliyadda xukuummadda federaalka Soomaaliya Dr. Cabdiraxmaan Ducaale Bayle ayaa isna golaha uga warbixiyay qorshaha cafinta daymaha, SMP3 oo gebagebo maraya, daabacaadda Shilin Soomaaliga iyo guud ahaan qorshaha dib u habaynta hannaanka maaliyadda dalka.

 

Xukuummadda federaaka Soomaaliya ayaa ajandayaasheeda ugu waawayn waxaa ka mid ah hir-gelinta doorasho qof iyo cod ah oo sannadka 2020-ka la doonayo in ay ka dhacdo dalka si awoodda maamulka loogu celiyo gacanta shacabka oo ay uga taliyaan aayahooda, go’aanna ay uga gaadhaan hoggaanka mustaqblka.

 

Ugu dambayn golaha ayaa war-bixin la xidhiidha barnaamijka “Is-xilqaan) ka dhagaystay ra’iisal wasaare ku-xigeenka xukuummada, Mahdi Maxamed Guuleed (Khadar), oo madax ka ah guddi loo xil-saaray dardar-gelinta ololaha is-xilqaan oo dib loogu dhisayo xarumaha dawladda, goobaha taariikhiga ah iyo waddooyinka.

 

–DHAMMAAD—-

 

Xafiiska Warbaahinta iyo Xidhiidhka

Muqdisho, Soomaaliya

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face