Share this:

" />
Published On: Tue, Dec 3rd, 2019

Somaliland: Dood La Xidhiidha Tacadiyada Ay La Kulmaan Dadka La Nool HIV/AIDS

Share This
Tags

Hargesa(ANN)-Komishanka Xuquuqda Aadamaha ee Qaranka Somaliland oo kaashanaya Wasaaradda Shaqo-gelinta, Qoyska iyo Arrimaha Bulshada, ayaa soo qaban-qaabiyay dood lagu falanqeeyay dhibaatooyinka iyo tacadiyada ay la kulmaan dadka la nool HIV/AIDS-ka.


Dood oo lagu qabtay Huteel Maansoor ee magaalada Hargeysa, ayaa qayb ka ahayd Ololaha 16-ka maalmood ee loogu magac -daray ee ilaalinta Xuquuqda Dadka u nugul HIV/AIDS-ka, kuwaas oo inta la ogyahay tiradooda lagu qiyaasay ku dhowaad 12, 000 qof oo u baddan haween.

Ujeedada dooda oo ahayd sidii ay dadka la nool xanuunkaa u heli lahaayeen daryeel iyo inaan lagu takoorin xanuunka lasoo dersay, isla markaana bulshada looga wacyigelin lahaa, waxa Intii aanay doodu si rasmi ah u bilaabmin madasha hadallo kooban ka jeediyey agaasimaha guud ee Wasaaradda Shaqo-gelinta, Qoyska iyo arrimaha Bulshada Cabdirashiid Ibraahin Sheekh Cabdiraxmaan iyo Agaasimaha fulinta ee Komishanka Xuquuqda Aadamaha Qaranka Cabdisamad Sacad Xasan. waxayna labaduba ka warrameen muhiimadda ay leedahay in la ilaaliyo dadka la nool HIV/AIDS iyo Doorka kaga aaddan wax-tarka dadkaas Wasaaradda iyo Komishanka.

Dr. Cabdiraxmaan Cabdulllaahi Maxamed oo ka socday Wasaaradda Horumarinta Caafimaadka, Luul Aadan Geeddi oo ka socotay Wasaaradda Shaqo-gelinta, Qoyska iyo Arrimaha Bulshada, Aasiya Cabdiraxmaan Axmed oo ka socotay Ururrada Bulshada Rayidka ah ee Somaliland iyo Guuleed Cismaan Cabdikariin oo ah Guddoomiyaha Ururka Talo-wadaag oo taageera Dadka danyarta ah ee la nool HIV/AIDS iyo Cabdillaahi Maxamed Bile oo ka socday Komishanka Xuquuqal Iinsaanka Qaranka Somaliland, ayaa si mugleh uga dooday mawduuca doodu ku qotontay.

Waxaana si guud uga waramay Tacaddiyada ay la kulmaan Dadka la nool HIV/AIDS iyo xalka caqabadaha lagaga gudbi karo dhibaatooyinka jira, Dr. Cabdiraxmaan Cabdullaahi Maxamed iyo Sidoo kale, Cabdullaahi Maxamed Bile oo ka socday Komishanka Xuquuqda Aadamaha, waxayna labaduba qireen sida loogu baahanyahay in meesha looga saaro, isla markaana la garab-istaago dadka la nool xanuunka ee u nugul tacadiyada ay kala kulmaan bulshada inteeda kale.

Geba-gabadii Xubnaha kale ee doodda ka qaybgalay . ayaa soo jeediyey in la joojiyo takoorka ay Bulshadu ku hayso dadka la nool HIV/AIDS, iyagoo tilmaamay in loo baahan yahay inay dowladdu hirgeliso shuruuc dadka xanuunka la nool ilaalinaya xuquuqdooda, kana difaaca tacaddiyada ka dhanka ah ee bulshada kaga imanaya, isla markaana xaddida, qabtana cidda fidisa xanuunka.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp