Share this:

" />
Published On: Tue, Dec 26th, 2017

Shirkadda Facebook Oo Bilowday Barnaamij Qofku Ku Joojin Karo Dadka Aannu Doonayn

Smiley face

Araweelo News Network

 

• La wadaag qodobkan Facebook
Lahaanshaha sawirkaGETTY IMAGES
Ma dhibsataa in aad aragto sawirro iyo waxyaabo badan oo ay soo daabacaan dad kala duwan ama shirkado iyo asxaabtaada aad taqaan?
Haddaba, waxaad u baahan tahay inaad isticmaasho barnaamij cusub oo shirkadda Facebook soo kordhisay oo ay u bixisay “Snooze,” kaas oo kuu fududeynayaa in aad si ku-meel-gaadh ah isaga joojiyo qofka aadan dooneyn in aad aragto farriimaha uu baahinayo.

Shirkadda Facebook.com ayaa sheegtay in macaamiisheeda ay u fududeyneyso inay iska xidhaan farriimaha saaxiibbadooda ama bogagga ay ku xidhan yihiin.

Fikraddu waxay tahay in dadka Facebook isticmaala ay iyaga maaamulaan wararka ama sawirrada ay arki karaan.

Waxa suurtogal ah in aadan arkin barnaamijkan cusub, laakiin waxaad badhankan ka heli kartaa dhanka sare ee midigta ee farriin kasta oo aad ku arkeyso Facebook-ga.

Haddii aad badhankaas ku dhufato, mar dambe ma arkeysid waxyaabaha ay soo daabacaan dadkaas, bogagga ama kooxaha, muddada aad adiga dalbato inaad iska yara aamusiiso.

Lahaanshaha sawirka FACEBOOK/NEWSBEAT
“Waxaan maqalnay dadka oo dalbanaya inay u baahan yihiin barnaamijyo badan oo ay ku xakameeyaan waxyaabaha ay ku arki karaan Facebook iyo xilliga ay u baahan yihiin inay arkaan,” ayaa lagu yidhi warbixin ka soo baxday shirkadda.

“Barnaaamijkan cusub – Snooze – uma baahnid in aad qofka iska wada saartid si joogto ah (unfollow ama unfriend), balse waxaad muddo kooban iska joojin kartaa in aad aragto farriimahooda,” ayey sii raacisay Facebook.

Haddii mar uun aad qof aad taqaan isku dagaasheen inaad ka saartay facebook-gaaga, shirkaddu waxay u muuqataa inay arrintaas ka hortageyso.

Dadka, bogagga ama kooxaha aad iska yara aamusiiso ma ogaan doonaan arrintaas.

Waa adiga keligaa qofka ogaanaya marka ay dhammaato muddada aad iska joojisay, sidoo kalena waad ku dari kartaa haddii weli aadan dooneyn inaad aragto waxyaabaha ay soo bandhigaan.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp