Share this:

" />
Telesom Dahabshiil
Published On: Thu, Jan 18th, 2018

Ra’iisal-wasaaraha Ethiopia Oo Ka Hadlay Dariiqa Somaliland U Mari Karto Qaddiyadda Aqoonsiga

Araweelo News Network

Madaxweynaha Somaliland Muuse Biixi iyo Ra’iisal wasaaraha Ethiopia Hailemariam Desalegne oo saxaafada si wada jir ah ula hadlay

Addis Ababa(ANN)- Ra’iisal-wasaaraha Ethiopia Md. Hailemariam Desalegn, ayaa shaaciyey in su’aasha la xidhiidha qaddiyadda siyaasadeed ee Somaliland loo mari doono nidaamka iyo mabaadii’da guud ee u yaal Urur-goboleedka IGAD iyo Midawga Afrika.

Sida lagu baahiyey wargeyska The Ethiopian Herald , Ra’iisal-wasaaraha Ethiopia oo ka hadlay kulan uu la qaatay Madaxweynaha Jamhuuriyadda Somaliland Md. Muuse Biixi Cabdi maalintii Isniinta, ayaa in dawladda Ethiopia cillaaqaad xooggan la leedahay Somaliland, balse waxa uu xusay in arrimaha siyaasiga ah ee khuseeya qaddiyadda madaxbannaanida Somaliland ay yihiin qaar u yaal inay go’aan ka gaadhaan Urur-goboleedka IGAD (Inter Governmental Association for Development) iyo Midawga Afrika.

Waxa kaloo uu Ra’iisal-wasaaraha Ethiopia tilmaamay inay dawladdiisa ka go’an tahay sidii loo ilaalin lahaa nabadgelyada iyo xasiloonida ka hano-qaaday dalka Somaliland.

“Ethiopia waxa ay si aan gabasho lahayn uga shaqaynaysaa sidii loo tirtiri lahaa Ururka Al-shabaab, waana cadaw guud oo aannu wada leenahay,” ayuu yidhi Ra’iisal-wasaaruhu.

Waxaannu intaas ku daray; “Waxaannu ka wadahadalnay arrimaha nabadgelyada, sababtoo ah waxaannu aaminsanahay nabadgelyada Itoobiya inay tahay nabadgelyada Somaliland, sidoo kalena nabadgelyada Somaliland waa nabadgelyada Itoobiya. Waxa kaloo aannu ka wadahadalnay in aanu Somaliland ka wada shaqayno horumarinta marshuuca dhismaha jidka Isku xidhaya Itoobiya iyo Berbera (Berbera Corridor), iyadoo annaga (Itoobiya) iyo saaxiibadayadu sii wadno horumarinta marshuuca, si ay uga wada faa’iidaystaan labada waddan.”

Ra’iisal-wasaaraha, ayaa sidoo kale sheegay in dawladaha Somaliland iyo Ethiopia ay si buuxda uga wadashayn doonaan sidii looga ay uga wada faa’iidaysan lahaayeen horumarka la doonayo in lagu sameeyo dekedda Berbera iyo dhismaha jidka isku xidhaya Berbera iyo Addis Ababa.

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a website based in Somaliland. Arraale is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 <https://web.whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Displaying 1 Comments
Have Your Say
  1. axmed says:

    Been buu Ilaah u sheegey, waa maaweeelo uuku wado Reer woqooyiga Caqligu ka masaxmey, wax dowlad ah oo Gobolla Somaliya ka tirsa , goni u aqoonsan karaa ma jiraan, Itobiya ayaa lagu dacweyn karaa , faragelintaas, iyo dariiq baan dhisayaa. waa la riyoonayaa.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp