Araweelo News Network.
Afhayeenka Xukuumadda Oo Ka Hadlay Qaraxa
Muqdisho(ANN)-Xukuumadda Federaalka ee Soomaaliya, ayaa ka hadashay qarax lala beegsaday caawa fiidkii Huteel ku yaal xeebta Liido, kaas oo ay ka afurayeen xildhaano iyo saraakiil dawladda ka tirsan, waxana la maqayay qaraxa iyo tacshirado rasaas ah.
Qof is miidaamiyay, ayaa sababay qaraxa, waxaana la rumaysan yahay in lala beegsanayay Taliyaha Booliska dawladda Federaalka ee Soomaliya General Cabdi Xasan Maxamed (Gen. Xajaar) oo xilligaa ku sugnaa goobta qaraxu ka dhacay, wallow ay xildhibaano iyo saraakiil kale ku sugnaayeen huteelka xilliga qaraxu dhacay.
Ma jiro war rasmi ah oo kasoo baxay xukuumadda oo la xidhiidha khasaaraha qaraxaa, balse waxa jira warar hordhaca oo sheegaya inuu jiro khasaare dhimasho iyo dhaawac ah.
Hase yeeshee Afhayeenka Xukumadda Federaalka ee Soomaliya, Maxamed Ibraahim Macalimow, ayaa qoraal kooban oo uu ku baahiyay Boggiisa Facebook kaga hadlay qaraxa.
“Taliyaha Booliska General Xijaar oo aan la hadlay waxa uu ii xaqiijyay inuu badqabo. Waxa uu ku sugnaa goobta ganacsi ee qaraxa iyo weerarka lagu qaaday. Xildhibaanada wey nabad qabaan.”
Dhinaca kale, wararka hordhaca ah, ayaa sheegaya in qaraxa uu ku dhaawacmay Taliyihii Booliska Degmada Cabdicasiis , Liibaan Shidane oo ka mid ahaa dadkii ku sugnaa huteelka Liido ee qaraxu ka dhacay. Laakiin sarakiisha amaanka iyo xukuumadda Federaalka ah ayaan weli faahfaahin rasmi ah ka bixin.
Magaaladda Muqdisho, ayaa qaraxyada iyo dilalka qorshaysan caadaysatay, kuwaas oo inta baddan ay sheegtaan kooxda Al-shabaab ee dagaalka kula jira xukuumadda Federaalka iyo ciidamadda AMISOM eek u sugan Somalia, iyadoo xilliyada billahan oo kale ay xoojiyaan Al-shabaab weerrarada isqarxinta iyo dilalka qorshaysan, waxayna xilligan dilalka qorshaysan iyo qaraxyadu kusoo beegmayaan xiisaddaha ka aloosan doorashooyinka dadban ee jiitamayay sannadaha oo aan weli la dhamaystirin.
Please share with your friends the news and information provided by Araweelo News Network.
Published by Araweelo News Network.
Follow us Twitter@Araweelonews
Facebook@AraweeloNews
By Arraale M Jama Freelance Journalist and Human Rights activist.
Araweelo News Network.
info@araweelonews.com
