TelesomDahabshiil
Published On: Sat, May 8th, 2021

Somaliland: Madaxweyne Biixi Oo Kulan La Yeeshay Guddoomiyaha Shirkada DP World 

Araweelo News Network.

 

Hargeysa(ANN)-Madaxweynaha Jamhuuriyadda Somaliland, Muuse Biixi Cabdi waxa uu maanta qasriga madaxtooyadda ku qaabiley wefti uu hoggaaminayey guddoomiyaha shirkada DP World, isla markaana ah maareeyaha guud ee Shirkadda, Sultan Ahmed Bin Suleyman.

 

Kulankaa oo aannay warbaahintu goob joog ka ahayn,  balse qoraal saxaafeed kooban oo kasoo baxay Madaxtooyadda Somaliland, kulanka kadib ayaa lagu sheegay in uu ahaa kulnaku mid  salka ku hayey dardar-gelinta xidhiidhka wada shaqayneed ee ka dhexeeya Jamhuuriyadda Somaliland iyo shirkada DP World.

Sidoo kale, waxa lagu macneeyay in loogu gogol xaadhayay furitaanka wejiga koowaad ee dhismaha Dekedda Berbera oo dhammaaday, isla markaana dhawaan la furidoono,  waxa kale oo qoraalka lagu xusay in lagaga wada hadlay sidii loogu gudbi lahaa wejiga labaad ee dhismaha ballaadhinta Dekedda Berbera.

Kulanka, ayaa si gaara loogu lafo-guray imkaaniyaadka ganacsi ee ku gadaaman isticmaalka dekeda Berbera, sida marin ganacsiyeedka wadada Berbera Corridor iyo balaadhinteeda, madaama oo ay mari doonaan shixnado aad u tiro badan oo u socda dalka aynu jaarka nahay ee Ethiopia iyo dalalka bariga iyo badhtamaha Afrika.

 

Sidoo kale waxa laga wada hadlay casriyeynta iyo hawl-fudaydinta kastamada Berbera iyo Tog-wajaale, allaabooyinka isaga gooshaya dekeda Berbera iyo dalalka geeska Afrika, si xawliga ay ku baxayaan u noqdo mid dhakhso badan, suura-galna ka dhigi kara horumarka la doonayo in looga faa’iido bulshada ku dhaqan qaarada Afrika.

 

Kulankaa, ayaa la sheegayn inuu ku soo dhammaaday is fahan iyo is-afgarad waxaana madaxweynaha ku weheliyay wasiirada wasaaraddaha Horumarinta Maaliyada, Qorshaynta iyo Horumarinta Qaranka, Xannaanada Xoollaha iyo Horumarinta Kalluumaysiga, wasiir ku xigeenka ahna ku simaha wasiirka arrimaha dibedda iyo iskaashiga caalamiga ah, maareeyaha dekeddaha Somaliland, safiirka Somaliland u qaabilsan Imaaraadka Carabta iyo xubno ka mida Boodhka Dekedda Berbera.

 

Araweelo News Network

info@araweelonews.com

About the Author

- #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>