Telesom Dahabshiil

Xisbiga WADDANI Oo Ka Hadlay Sii Deynta General Doollaal Iyo Hanjabaadii Buurmadaw

Araweelo News Network.

#General @Jaamac #Doollaal Muxuu Ka Yidhi Sii Deyntiisa ?

Hargeysa(ANN)-General Jaaamac Maxamuud Aadan (General Doollaal) oo ka mid ahaa Saraakiishii mujaahidiinta dalka usoo huray naftooda, xilligana ka mid ah Saraakiisha hoggaanka sare ee ciiddanka Qaranka Somaliland, ayaa xorriyadiisa dib u helay kadib markii ay Maxkamad Millateri ku riday xukun horaantii April 2021.

Gen. Doollaad, waxa markii lasoo daayay shalay kusoo dhoweeyay afaafka hore ee Xabsiga qaar ka mid ah Eheladiisa, kuwaas oo ay ka mid ahaayeen qoyskiisa, waxayna shegeen in ay ku faraxsan yihiin in Muj Doolaal dib u helo xoriyadiisa, iyagoo xuay in ay ka wer- wersanaayeen muddadii uu xidhnaa xaaladdiisa Caafimaad.

Qaar ka mid ah dadkaa ayaa u mahadceliyay Guddoomiyaha Gollaha Gurtida Saleebaan Maxamuud iyo Madax-dhaqameed aannay magcaabin oo ay sheegeen in ay door weyn ka qaateen sidii General Jaamac Doollaal Xoriyadiisa u heli lahaa, sidoo kale, waxay uga mahad celyeen cid kasta oo Bulshada Somaliland ah oo ka qayb ka qaadatay sii dayntiisa.

General Doolaal, ayaa dhankiisa uga mahadceliyay cid walba oo door ka cayaartay inuu xoriyadiisa dib u helo, wuxuuna sheegay in aannu xilligan ka hadlayn wax dhaafsiisan inuu uga mahadceliyo dadkii ka qaybqaatay sii deyntiisa ee ka dhiidhiyay xadhigiisa, balse uu gadaal ka hadli doono oo warbaahinta la hadli doono.

Sii deynta Genaral Doollaal ayaa kusoo beegnatay laba maalmodo kadib markii Boqor Cismaan Aw Maxamuud (Biirmadaw) ku hanjabay in haddii aan lasii deyn Muj Doollaal ay go’aan ka qaadanayaan Bulshada deegaamada uu kasoo jeedaa, wuxuuna ku hanjabay in go’aankaasi noqon doono mid cawaaqib xun ku keena Somaliland, balse ma qeexin go’aanku nooca uu noqon doono haddii aan muddadaa lagu sii deyn General Doollaal.

Somaliland: Gen: Doollaal Oo La Xukumay

Boqor Buurmadaw, wuxuu Madaxweynaha Somaliland Muuse Biixi ku eeddeeyay inuu yahay nin dalka collaad ka abuuraya, isla markaana dadka Somaliland kala kaxanayna.

Dhinaca kale, Xisbiga Mucaardka ah ee WADDANI, ayaa ka hadlay sii deynta General Jaamac Doollaal ee xoriyadiisa dib loogu celiyay iyo dhawaaqa hadalkii hanjabaada ahaa ee Boqor Cismaan Buurmadaw.

Guddoomiyaha Xisbiga WADDANi Oo Ku Baaqay In General Doolaal Xabsiga Laga Soo Daayo

Xoghayaha Cadaaladda ee Xisbiga mucaardka ee WADDANI, Yoonis Axmed Yoonis, oo Telefishanka SAHAN u waray, ayaa sheegay in General Doollaal oo ka mid ahaa shaqsiyaadkii fara ku tiriska ahaa eek u suntanaa halgankii dalka lagu xorreeyay ee lagaga soo horjeeday Taliskii Macangaga ahaa ee Siyaad Barre  abaalkiisu noqday in xabsi la dhigo oo sida uu sheegay lagu xajiimeeyo eeddaymo aannu geyin mujaahidku,  iyadoo aan la siin maamuuskii iyo karaamadii uu ku lahaa qarankan, wuxuuna sheegay in xisbi ahaan ay soo dhowaynayaan in Muj Doollaal xoriyadiisa loo celiyo.

Somaliland: Xisbiga WADDANI Oo Canbaareeyay Xukunka Lagu Riday General Jaamac Doollaal Farriina U Diray Madaxweynaha

Dhinaca kale, wuxuu ka hadlay Xoghayaha Cadaaladda ee WADDANI, dhawaaqa Boqor Cismaan Buurmadaw ee sii deynta General Doollaal, wuxuuna  sheegay in Boqor Buurmadow uu yahay Nin ku suntan Nabadda Somaliland,  sidaa awgeed aannu ahayn Nin lala xidhiidhiyo, amma lagu xanto belaayo abuur dhawaaqa hadalkiisuna uu la xidhiidhay in lasoo daayo General Doollaal,  sidaa ayuu yidhi, Yoonis Axmed Yoonis.

 

Araweelo News Network

info@araweelonews.com

 

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp