Published On: Sat, May 12th, 2018

Wasiir Ku Xigeenka Arrimaha Gudaha Oo Sheegay In Fidnada Dalka Ku Wareegaysaa Tahay Mucaardka Kuna Hanjabay Inay Tallaabo Ka Qaadayaan Deegaanka Ceel-Afweyn

Smiley face

Araweelo News Network

Hargeya(ANN)-Wasiir ku xigeenka Arrimaha Gudaha Somaliland Maxamed Muuse Diiriye  ayaa ku hanjabay in xukuumaddu tallaabo ka qaadayso cida u hogaansami weyda go,aanada iyo waan waanta la doonayo in colaada soo noq-noqotay ee deegaanka Ceel-afweyn ee gobolka Sanaag lagu soo afjaro.

Wasiir ku xigeenka oo maanta warbaahinta la hadlay, ayaa sheegay in Wefdi uu hoggaaminayo Wasiirka Arrimaha Gudaha Somaliland Maxamed Kaahin Axmed ay u baxeen deegaanka Ceel-afweyn oo mar kale colaadu dib uga bilaabantay.

Sidoo kale, wuxuu jawaab ka bixiyay dhawaaq kasoo yeedhay Xisbiga Mucaardka ee WADDANI oo guddoomiyaha Xisbigaasi Cabdiraxmaan Cito xukuumadda ku eedeeyay inay ku fashilantay daminta colaaddaa.

Wasiir ku xigeenka Arrimaha Gudaha Somaliland Maxamed Muuse oo ka hadlaya eedaha WADDANI, ayaa yidhi

“waxaan u malaynayaa fidnada inagu dhex wareegaysaa maaha xukuumaddee, waa Mucaaradka WADDANI, sababtoo ah Ilaa markii la sameeyay Xisbigaa, amma xukuumaddani jirtay wax wanaagsani kama  soo bixin Afka guddoomiyaha, waxaa Iskaga khaldamay mucaaradadii, wada noolaanshihii Iyo qaranimadii, waad ogaydeen, iyadoo aan kaanbayn jirin oo arintaasu taagan tahay, ayuu marayay Laascaanood iyo Ceergaabo, waad arkayseen isagoo Hay’addii dhamayd ee doorashooyinka leh kalsoonidaan kala nooqnaynaa, waxan u malaynayaa Guddoomiyuhu aad isuma dhegeysan” ayuu yidhi Wasiir ku xigeenka Arrimaha Gudaha Somaliland.

Wuxuu sheegay in xukuumaddu tallaabo ka qadaayso cida u hogaansami weyda dedaalka nabadeed ee laga wado deegaankaa, isagoo Mucaaradkana ugu baaqay Inay u tudhaan dadka maatada ah ee colaadu saamaysay.

Dhinaca kale, Wasiir ku xigeenka Arrimaha Gudaha Somaliland Maxamed Muuse, wuxuu ka hadlay xildhibaano Iyo ka tirsan golaha wakiilada Somaliland Iyo golaha deegaanka Berbera oo la hadlay todobaadkan warbaahinta, wuxuuna ugu baaqay in ay ku ekaadaan shaqadooda oo faraha kala baxaan Arrimaha Amaanka, isagoo xusay in xukuumaddu tallaabo ka qaadayso ciddii loo arko Inay fidmo ku lid ah nabadgelyada wado.

 

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp