Araweelo News Network
Sidaan 3 maalmood ka hor ku daabacay Araweelo News Network , doorashada ka dhacday dalka Talyaaniga waxay farxad gelisay Vladimir Putin, waxayna murrugo ku abuurtay waddamda reer Galbeedka ee ugu horreeyo Maraykanku iyo xulufadiisa.
Laxidhiidha: Loolanka Ruushka Iyo Reer Galbeedka
Waxay u dhowdahay inuu ku guulaysto Xibiga la magac baxay ” walaalaha Talyaaniga” ee ay Hoggaamiso Haweeynada legu magacaabo Joorjiya milloni “Georgia Milloni“.
Georgia milloni ayaa ka soo horjeeda Qaddiyadda midowga yurub iyo sidoo kale. Qaddiyadda dadka muhaajiirinta ah.
Georgia milloni ayaa ahayd mid taageere weyn u ahayd Hoggaamiyihii Talyaaniga ma jiixnjixaha ahaa Mussalni (Moussalini) kaasi oo dadka Talyaanigu meel fagaare ah ku daldaleen dagaalkii 2aad ee dunida.
Sidaa awgeed VLADIMIR putin ayaa arrintani uga dhigantay farxad weyn iyo guul siyaasadeed maadaa ay u dhowdahay inuu helo dalka Talyaaniga oo xulufo la noqda dalkiisa Ruushka.
Maraykanku arrintaan kama aamusi doono wuxuuna hanjabaad u diri doonaa dalka Talyaaniga maadaam Talyaanigu Xubin ka Yahay ururka NATO iyo midowga Yurub. Dalka Talyaaniga ayaa ka mid quwada loo yaqaan (G7).
Haddii arrintani u suurto gasho Vladimir Putin waxay u noqonaysa fursad dahabi ah oo uu ku burburinayo Nidaamka caalamiga ( New World Order ) kaasi oo maraykanku Hormuud ka Yahay. Sidoo kale, waxaa madaxweeynaha Ruushka Vladimir Putin la shaqaynaya dowladda shacabka ee shiinaha iyo Quwado kale oo caalami ah, kuwaas oo diidan Nidaamka Caalamiga ah ee Maraykanku Horboodayo.
Marka laga yimaado dacaayaddaha ay faafinayaan saxaafadda reer Galbeedka, arrintan ayaa si dhab ah uga dhigan Maraykanka dhibaato weyn oo soo foodsaartay iyo Nidaamkii caalmiga ahaa ee Maraykanku horboodayey oo sii dhimanaya marba marka ka sii danbaysa.
W/Q Dr.Ahmed Hasan Saalah
