Telesom Dahabshiil
Published On: Mon, Dec 7th, 2020

Dadka Somaliland way yaqaannaan caqabadaha haysta

Araweelo News Network.

 

Horumarka laga sameeyey in la gaadho qaranimadan buuxda waxay soo martay marxalado isdabayaallay oo kor u socda illaa hadda waxa bulshada #Somaliland, dowladda iyo golayaasha qaranku uguntan yihiin geeddi socodka ilaalinta iyo horumarinta habka dowladeed iyo toosintiisa.

 

Sida qaramada dowladahaleh, weliba la ictiraafsan yahay, ayay dadka somaliland jecelyihiin,dadka kale ee caalamkana la jecelyihiin, nabadda, iskaashiga, walaaltinimada iyo horumarka waddankooda.

 

Dadka Somaliland way yaqaannaan caqabadaha haysta ee ay ka mid yihiin, khilaafaadka qabaliga ah,siyaasadda dowlad-kudhiska qabyaaladda iyo xoojinta dareenka reernimada,caddaalad darrada iyo dabacsanaanta xoojinta qaanuunka,musuq-maasuqa, gaabinta adeegyada aasaasiga ah, dhaqaala xumada iyo ictiraafla’aanta.

 

Waxayse higsanayaan Himilooyinka waaweyn ee helitaanka ictiraaf deg-deg ah, amniga oo lasii adkeeyo, qarankooda oo ay ka hirgasho dowlad-wanaag, sinnaanta muwaaddiniinta, iyadoo aan loo eegin reer, gobol, koox iyo hayb midnaba, awoodda sharciga oo loo wada hoggaansan yahay, horumarinta dhaqaalaha, aqoonta,waddooyinka, dekaddaha, caafimaadka, biyaha iyo ilaha hab nololeed ee dadku ku tiirsanyihiin oo si siman loo gaadhsiiyo.

 

Hirgelinta siyaasadda suuqa xorta ah, jebinta ascaarta, xoojinta ganacsiga gaar ahaan, ka shaqaysiinta siyaasadaha iyo shuruucda qaybta maaliyadda iyo bangiyada. In dowladdu ururinta cashuurta dadka ku waajibtay noockasta dhammaystirto, iyadoo sida ugu casrisan loo maaaraynayo.

 

In madaxweyne kastoo la doortaa uu ku kalsoonaado dadka (mid doortay iyo mid aan dooran), isla markaana ilaaliyo haybadda qaranka, dastuurka, qaanuunka, maamul wanaagga, la xisaabtanka iyo qiimaynta maamukiisa iyo howl-wadeennada u adeegaya dadka in ay yihiin kuwo u adeegaya caddaalada iyo sinnaanta muwaaddiniinta.

 

In madaxweynaha la doortaa uu dhiso xukuumad xubneheeda lagu soo xulay aqoon, waaya-aragnimo, dhowrsanaan , qaranjacayl iyo waddaniyad,oo kusifooba masuuliyad, ammaano,caddaalad iyo dhowrsanaan bulshada dhexdeeda lagu majeerto.

 

-In Xukuumaddaha lasoo doortaa lahaadaan qorshe, laxisaabinkaro, oo loo soo bandhigo Bulshadda, xagga tayaynta maamulka, maalgashiga, kobcinta dhaqaale iyo guud ahaan wanaajinta helidda adeegyada muhimka ah iyo daryeelka nolosha dadka dalkoo dhan miyi iyo magaalo.

 

Dadka reer Somaliland waxay jecelyihiin xorriyada, ixtiraamka, xidhiidhka waxdhisaya,daryeelka jaarka, soo dhaweynta martida, maalgashadayaasha, dalxiisayaasha, ajaanibka ah iyo musaafiriinta, iyo xidhiidh iyo isu socodka dowladdaha jaarka, ciddii aannay ka imanayn waxyeellaynta amniga iyo balaayo abuurka.

 

Dadka reer Somaliland lama odhankaro 100% way wada saxanyihiin waxaa kamida dadka ka shaqeeya abuurista khilaafaadka, kalashakiga,burburinta amniga,cabsigelinta muwaaddiniinta, carqaladaynta fulinta maamulka dowladda,adeegyada bulsho ama howlaha horumarineed.

Ra’yiga lagu soo bandhigay maqaalkan wuxuu ka turjumayaa aragtida qoraaga, mana aha mid ka turjumaya siyaasadda tifaftirka, ama Faallada Araweelo News Network.

By. Abdirahman Ismail Nouh

 

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp