Share this:

" />
Published On: Wed, Aug 7th, 2019

Qunsuliyada Turkiga ee Hargeysa: Hawl-fududayn Mise Hagardaamayn

Smiley face

Hadday taladu kuu muuqatoon, lagula haaneedin
Hifaatiyo waxay kugu tartaa, huqiyo ciilleeye
Anun baw hanganayee wanaag, uma hilowdaane)

Cabdilaahi Suldaan (AHUN)

Dawladuhu waxay isku qabaan  dano iyo maslaxado midba ka kale uu ka rabo, iyadoo la is waydaarsanayo baahida iyo danta la iska leeyahay, mana jirto hadyad iyo samafal uu waddan wadan kale iska siiyo, qofka sidaasi moodaana waa mid aan habeen jirin, walibana gudcur gudaya, waana sababta safaaradaha iyo qunsuliyadaha loo sameeyo, hadaba dawladuhu waxay ka shaqeeyaan inay bulshadooda u adeegaan kana ilaaliyaan hagardaamada, dhiig-miiratada iyo bahdilaada,  si muwaadinku ugu noolaado karaamo iyo qadarin keenta inuu ku qanacsaado  dalkiisa,difaaco una damqado kana dhiidhiyo wixii dibin-daabyo ku ah xitaa yaanu wax-buuranba ku  haysane.

Dawladda Somaliland waxay xidhiidh dibloomaasiyadeed la yeelatay dawladda Turkiga ka dib markii ay dhex-dhexaadisay labada Dal Somalia iyo Somaliland sannadkii 2012kii. Waxooga  Ka dib shirkii London ka dhacay 23kii February 2012.

Taasi waxay keentay in la furo qunsuliyaddan si ay dadka Caafimaadka iyo danaha kale uga baahan dalkaasi loogu fududeeyo,  waana tallaabo wanaagsan oo dadkiina siisay fursad,  balse ka waran haddii qunsuliyaddii ay bilawdo inay dadka ka shaqaysato iyadoo lacagta laga qaado dadka  maalin walba ku sii kordhinaysaoo ay waliba bahdisho iyadoo ku celinaysa baasaboorkii Dalkiisa?!  ka waran haddii qofkii bukaanka ahaa dhawr bilood la soo celceliyo walibana laga qaado lacag aad u badan isagoo dalkiisii jooga?!

2014-kii Qoraal kooban oo ay qunsuliyadu ku baahisay barta ay ku leedahay twitterka, waxay ku sheegtay in laga bilaabo 26 September la bilaabay bixinta fiisayaasha waxaanu u dhignaa sidan “Qunsuliyada Turkiga ee Hargeysa (Turkish consulate in Hargeisa) waxay bilowday bixinta fiisayaasha laga bilaabo 26 September 2014.”  Laakiin cid is waydiisay ma jirto baasaboodhka Somaliland maa lagu baxayaa?

2016kii markii inqilaabkii Turkigu dhacay ayaa ay sheegeen in qunsuliyaddu ay bixin doonto fiisaha Jamhuuriyadda Somaliland iyagoo sheegay inay imika (2106) ay siiyeen qaar ka mid ah madaxda dalka oo ay ku baxeen baasaboodhka Somaliland,  halkan ka dhagayso hadalkii qunsulka   https://www.youtube.com/watch?v=-QqP5Df5eGA

balse cid ka war haysa muwaadinkan ciilan ee lagu celcelinayo qunsuliyada ma jirto, mana jirto meel uu ugu caban karo muwaadinku marka lagu soo diido baasaboorkii wadddankiisa.

Shuruudaha ay dadka ku xidhaan waxaa ka mid ah kuwan iyo qaar kale oo ay maalinba maalinta ka danbaysa dadka ku kordhinayso;

  1. Warqada caafimaadka qofka
  2. Warqadda danbi la,aanta
  3. Baasaboorkaaga (original iyo koobi)
  4. Laba sawir oo kur ah
  5. Warqadda diyaaradda aad raaci lahayd
  6. Heshiiska meesha aad u shaqayso
  7. Warqadda hudheelka aad ku degayso markaad turkiga tagto
  8. Iyo foormka  lagala soo dego meeshooda oo la soo buuxinayo

Waxayse maanta ku soo kordhiyeen warqadda “Caymiska caafimaad”, waxay soo kordhin doonaanna waa loo wada joogi doonaa.

Waxa intaa dheer inay u soo dhigatay xafiisyadii yaryaraa ee Travel Agencyga ahaa oo ay iyadu (Qunsuliyaddu) dadkii u samaynayso xeraynta fiisayaasha iyo hudheelada ay ku dagi doonaan labadaba  maadaama ay shuruudahooda ku Dareen, taasina waxay dhaawac ku tahay muwaadinkii shaqadiisu ahayd soo saaritaanka Visaha ee ku xidhnaa diyaaradaha intaasina u ahayd shaqo, waxay sidoo kale caddaynaysaa inay soo shaqo tageen oo aanay jirin wax xeer ah oo qabanayaa.

Waddankayga maan garan faa’iidada ay ku haystaan Qunsuliyad isku sheegta iyadoo qabanaysaa hawlihii travel agency-ga ahaa iyo waxa ay ka dheefayaan, hore ayuu Xildhibaan nac-nac oo soo booqday lana dhaqmay meeshu soo ogaaday hagardaamooyinka ay dadka ku hayso linkigan ka daawo xildhibaanka hadalkiisa   https://www.youtube.com/watch?time_continue=72&v=GPBxykNGHH4

 Siyaasadduna maaha hadyad la isa siiyo waase fursad la samayato, 2016kii ayaan ku taliyay si turkigu ixtiraam inoo siiyo, oo uu laba mid soo kala galo; saaxiib wanaagsan ama kala socosho wacan waa inaynu xidhiidh la samaynaa Fatxullaahi Gulan. Haddii kalase silican iyo bahdilaadan uun baa lagu hayn doonaa muwaadinka reer Somaliland.

Qallinkii Cabdiqani Xaaji Cali

abdilqani@gmail.com

Ra’yiga lagu soo bandhigay maqaalkani wuxuu ka turtumayaa aragtida qoraaga, mana aha mid ka turjumaya siyaasadda tifaftirka, ama Faallada Araweelo News Network.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp