Share this:

" /> Smiley faceSmiley faceSmiley faceSmiley face
Published On: Thu, Nov 21st, 2019

Saadaasha Dhalashada Warsame

Share This
Tags

Warsame; waan ku salaamay Hooyo. Ma ogi imika waxaad ku sugan tahay, waxaanse rajeynayaa inaad wanaagsan tahay. waa hubaal n farriintani maalin uun kusoo gaadhi doonto, waa sax oo wey kaa raagaysaa haddana.

Hooyo, wakhtigu waa galab xilligan aan hadlayo, inyar ka hor uun roob ayaa qaaday. Jawiguna waa qabow dhex-dhexaad ah, qolkayga yar ayaan dhex fadhiyaa dhankayga bidix sariirtaydii nafarka ahayd ayaa igaga naban, anna waxaan ku fadhiyaa kursi cad, afar lugood oo hoos u foorara ayuu leeyahay, meel aan iga fogayn oo hortayda ah waxaa yaalla miis cad oo afar gees ah.


Miiska dushiisa waxaa dhoobban buuggaag, Kutub, ku xardhan luuqadda carabiga, mobile kayga gacanta isticmaalkiisa waxaa ii diidday dabka oo ka dhammaaday, waxa halkaa jaahayga ku quman igaga beegan daaqad afarta gees leh oo furan, waxaana igaga soo dhacaya Laydha oo wadata neecowda qabow ee roobka, taas oo si toos ah usoo tuuraysa saxansaxada.

Warsame, Hooyo ma garankaro xilliga aad adduunkan iman doontid, waxaanse ku hamiyayaa inaad maalin uun iman doontid, mase oggi Aabbahaa ninka uu noqon doonno, waxaase hubaal ah inaad Aabbe fiican la kulmaysid Warsame, waxaan kugu soo dhaweynayaa Adduunyo; waa mid dhib badan, oo dheef yar, balse waxa aad jooggi doontaa wakhti aan badnayn.

Adduunyo; waa meel ay ku kulmaan: Gaajo, Dhereg, dhib, dheef, Dhaawac iyo Dhimashoba. Waad gaajoon, sababtoo ah xilliyada qaar waxba ma haysid. Waad dhargi, maxaa yeelay gaajo walba dhereg ayaa ka dambeeya.
Waad dhibtoon, waayo meeshu waa adduunyo, waadse dheefi in badan; haddii aad u samirto dhibta, waad dhiman, waayo cidna adduunka kuma waarayso.!!

Warsame, waxaa ku suggaysa hooyo farxad badan, oo carruur jecel. Hooyo mararka qaar xanaaq badan, qaylo badan, balse qalbi wanaagsan, waxaa ku suggaysa Hooyo ay la dhasheen carruur badan, waa hubaal inay Abti iyo Habbo kugu badin doonnaan, mase oggi adeerradaa iyo Eedooyinkaa intay leekaan doonnaan. Warsame, waxa aan ka xumahay awoowgaa hooyo in aanad adduunka kusoo gaadhin, wayse dhici kartaa in aad ayeydaa hooyo kusoo gaadho.

Soo dhawaw hooyo, tani waa fariin kaaga imannaysa, beer, wadne, laab, kal, kas, iyo kor guud ahaanba ku jecel, indho kugu qabawsan doonna, iyo Hooyo kugu hadri doonta.

W/Q: Nimco Baashe

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

#8Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp