TelesomDahabshiil
Published On: Thu, Oct 30th, 2014

UCID Oo Sheegay In Madaarka Hargeysa Lagu Soo Dhoweeyay Raysal Wasaaraha Somalia

Jamal Cali XuseenHargeysa(ANN)Murrashaxa Madaxwaynaha xisbiga mucaaridka ee UCID Mr. Jamaal Cali Xuseen, ayaa sheegay in masuuliyiinta Wasaaradda Duulista Hawada Somaliland qolka marti-sharafta (VIP-da) ee Madaarka Hargeysa ku qaabilaan masuuliyiinta dawladda Soomaaliya, halka madaxda axsaabta mucaaradka Somalilan-na laga horjoogsado, wuxuuna arrintaa ku tilmaamay mid nasiib-darro ah.
Mr. Jamaal Cali Xuseen oo Madaarka Hargeysa ka dhoofay maanta, ayaa sheegay in masuuliiyinta Wasaaradda Duulistu isku dayeen inay ka joojiyaan garoonka caasimadda, halka uu ku dooday in qolka nasashada ee madaarka lagu qaabilo madaxda dawladda Soomaaliya oo uu xusay inuu ugu dambeeyey Ra’iisal-wasaaraha dalkaas.

“Run ahaantii waa nasiib-darro in mar walba madaxda dalkan iyo ehlu-sharafka ummadda in laga horjoogsado qolka nasashada ee madaarrada dalka, waxaanay taasi caddaynaysaa heerka ay taagan tahay kartida iyo kalsooni-darrada masuuliyiinta xukuumadda KULMIYE.

Waxa wax lala yaabo ah in nalaga horjoogsado haddii aannu nahay madaxda mucaaridka madaarka Hargeysa, iyadoo aynnu ognahay in qolka VIP-da ah loo furo madaxda Soomaaliya iyo kuwa kale oo aad uga soo horjeeda jiritaanka dalka Jamhuuriyadda Somaliland, kuwaasoo uu ka mid yahay Ra’iisal-wasaaraha Soomaaliya oo dhawaan mar uu madaarkan marayey lagu soo dhaweeyey qolka VIP-da, halka annaga na loo diiddan yahay. Arrintaas waxa ka qarnaqi doona bulshada sharafta leh ee Somaliland. Madaarkii Hargeysa wuxuu noqday Caabudla (goob dadku si dhib ah uga gudbi jireen markii Hargeysa laga qaxay 1988kii). Waxa na loo diidaa mucaaridka dalka, iyadoo cadawga Somaliland-na loo oggolaado inay ku nastaan oo ay ku kifaaxaan madaarrada Somaliland.”

Sidoo kale, waxa uu sheegay in xukuumadda KULMIYE ku dhaqanto hadda waxyaabihii ay ka caban jireen xilligii mucaaridka, “Waxa marag ma doon ah in dhammaan wixii ay xukuumaddani ka qaylin jirtay markii ay mucaaridka ay ahayd ee ay aadka ugu dhaliili jireen inay sameeyaan oo ay barro dhaafiyeenba waliba, markaa anigu wuxuun baan u arkaa in dhacdooyinkan yihiin kuwii soo dedejin lahaa xukuumadda Siilaanyo oo dadkii waa kuwaa nacay iyadoo aanay waqtigeedii u dhammaan.”

Murrashaxa UCID oo wax laga weydiiyey sida uu u arko xukun Maxkamadda Gobolka Hargeysa ku ridday wasiir-ku-xigeenkii hore ee amniga Cabdillaahi Abokor Cismaan shalay, waxa uu yidhi; “Run ahaantii muddadii xukuumaddan waxa dalkan ka dhacay xad-gudubyo sharci oo qayrul-caadi ah run ahaantii waannu cambaaraynaynaa xukunkaas dedgega ah oo aannu u aragno xadgudub qayrul-sharci ah, iyadoo aynu ognahay in wixii lagu xidhay Cabdillaahi Abokor ee gurigiisa lagu burburiyey, isla markaana carruurtiisa iyo ooridiisa xabbadda loola dhacay.

Waxaan qabaa ninkaasi inuu ahaa nin wax badan og, maadaama uu ahaa masuul ka tirsan xukuumadda KULMIYE, walibana ka mid ahaa masuuliyiinta amniga dalka, markaa waxaan leeyahay waar sharciga iyo garsoorka waddanka ee marka horeba naafadda ahaa ee la sii burburinayo ha laga daayo oo faro-galinta iyo xadgudubka ha laga daayo sharciga dalkan oo u naxa oo u tuddda dadkii idin soo doortay ayaad xaggaad wax uga qaban lahaydeen aad cabudhinaysaane,” ayuu yidhi Jamaal Cali Xuseen.
Araweelo News Network
Somaliland Office
ifo@araweelonews.com

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp