Telesom Dahabshiil
Published On: Mon, Feb 1st, 2021

Dhuusamareeb: Farmaajo Iyo Rooble Oo Habaqle Ku Tegey, Madaxda Jubba Land Iyo Puntland Oo Ciidamo Khaas Ah Kusoo Daabulay Iyo Guddoomiye Cabdi Haashi Miidaamo Ku Ah Shirka

Araweelo News Network.

Dhuusamareeb Oo Ciidamo Laysugu Daabulay

Dhuusamareeb(ANN)-Magaaladda Dhuusamareeb waxa gaadhay Madaxweynaha Dawladda Federaalka ee Soomaaliya Maxamed Cabdullaahi Farmaajo iyo sidoo kale ra’iisal wasaare Maxamed Cabdi Rooble, waxaana la filayaa in shir loogu balamay halkaa oo ay ka qaybgelaayan maamuul gobleedyada lagaga hadlo khilaafka arrinta doorashada ee u dhaxaysa dhinacyada.

Dhinacyada, ayaa muddooyinkii u danbeeyay isku khilaafsanaa qaabka loo maamulayo doorashada, iyadoo xilliga xukuumadda Madaxweyne Farmaajo gabaabsi yahay, isla markaana uu soo jiitamay khilaafka arrimaha doorashada ee heshiiskii shirkii Dhuusamareeb oo ay dhinacyadu hore hishiis uga gaadheen qaabka loo qabanyo doorashada, waxaana shirkaa marti geliyay Madaxweynaha Galmudug Qoor Qoor, oo lagu amaanay sida uu shirarkii hore ugu martigeliyay Dhuusamareeb.

Madaxweynaha maamul goboleedka Jubbaland ee Soomaaliya, Axmed Madoobe ayaa diyaarad kusoo daabulay ciidamo si khaas ah isaga u ilaalinaya inta uu socdo shirku, kuwaas oo galabta diyaarad xamuul ah ay ka dejisay Dhuuusamareeb.

Axmed Maxamed Islaam (Axmed Madoobe), ayaa ah ninka sda weyn ay isu khilaafsan yihiin xukuumadda Madaxweyne Farmaao, iyadoo xaaladdu marar hore ku dhowaatay in xoog laysku muquuniyo, ama guluf dagaal ka dhex dilaaco dawladda Federaalka iyo maamul goboleedka Jubbaland.

Sidoo kale, Siciid Maxamed Deni oo ah madaxweynaha maamul goboleedka Soomaaliya ee Puntland, oo inta badan la safan Axmed madoobe oo xulufo hoose ka dhaxayso ayaa ka mid ah madaxda maamul goboleedyada Soomaliya ee ay xukuumadda Madaxweyne Farmaajo sida weyn isu khilaafsan yihiin.

Madaxweynaha Puntland Deni, ayaa dhankiisa si gaar ah usoo dhoobay magaalada Dhuusamareeb ilaalo isaga khaas u ah, iyadoo aannay arrintaa kala mid ahayn madaxda maamul goboleedyada kale ee ka qaybgelya shirka, isla markaana ay su’aalo dareen dhalinayaa ka taagan yihiin sababta ay labadaa hoggaamiye ee Jubbaland iyo Puntland ciidamo khaas ah usoo kaxaysteen.

Madaxda maamul goboleedyada Soomaaliya ee Hirshabelle iyo Koonfur galbee, ayaa iyaguna gaadhay dhuusamareeb, si ay uga qayb galaan shirkaa oo ay daneeyayaasha arrimaha Soomaaliya dabada ka riixayaan.

Hase yeeshee Guddoomiyaha Aqalka Sare ee Soomaaliya Cabdi Xaashi oo doonayay in uu ka qaybgalo shirka, ayaan helin wax casuumad ah, wuxuuna qoraal uu maanta u qoray Madaxweynaha maamul goboleedka shirka marti geliyay ee Galmudug ku sheegay in uu ka qaybgalyo shirka maadaama oo arrimaha lagaga hadlayo ay yihiin kuwo saamaynaya mustaqbalka siyaasada Soomaaliya ee doorashada.

Guddoomiyaha Aqalka Sare ee Soomaaliya Cabdi Xaashi Image File Araweelo News Network.

Guddoomiye Cabdi Haashi, wuxuu ku adkaystay inuu maalinta beri ee 2 February 2021, ka qaybgelayo shirka oo dhinaca magaalada dhuusamareeb u jihaysan yahay.

Balse Madaxweyne Faramaajo ayaa sheegay in shirka ay ka qaybgelayaan oo keliya ciddii lagu casuumay, wuxuuna ku dooday in shirka ay kasoo xaadiri karaan oo kaliya maamul goboleedyada Jubbaland, Koonfur Galbeed, Gobolka Banaadir, Galmudug oo marti gelisay iyo Puntland. sidaa awgeed aannay cid kale meeli iga bannaanayn.

Halkan ka akhri warqada guuddoomiye Cabdi Haashi ku baryootamayo.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp