Share this:

" />
Published On: Wed, Jun 27th, 2018

Al Shabaab Oo Beenisay In Uu Dhintay Hoggaamiyahoodii Abu Cubayda

Smiley face

Araweelo News Network

Muqdisho(ANN)-Xarakada  Al-Shabaab ee ka dagaalanta Soomaaliya, ayaa beenisay Warar kasoo yeedhay saraakiisha Milaterriga ee Soomaaliya oo sheegayay in uu dhintay Hoggaamiyihii Al-shabaab Axmed Diiriye Abu Cubayda.

Sarkaalka Warkaa baahiyay oo ah Gaashaanle Sare Ismaaciil Sheekh Isxaaq oo u warramay idaacadda ku hadasha codka milatariga Soomaaliya ayaa sheegay in Abu Cubayda uu ku dhintay degaanka Jubbada Dhexe.

Hase yeeshee mid ka mid ah shabakadaha internet-ka ee taageera Al-Shabab oo sheegtay inay la xidhiidhay sarkaal ka tirsan ururka Al-Shabaab oo ku tilmaamay hadalkaasi mid aan sal iyo raad toona alahayn, wuxuuna ku eedeeyey mas’uuliyiinta dawladda Soomaaliya inay warkan ay ku daboolayaan heshiiskii ay la galeen Ethiopia, sida uu hadalka u dhigay.

“Warka kasoo yeedhay kooxda Farmaajo ee ku aaddan in uu geeriyooday Sheekh Abu Cubayda ama uu xanuunsan yahay waa waxba kama jiraan, waxaa looga danleeyahay in lagu daboolo khiyaanadii ay dhowwaan ku kacday kooxda ridada ah ee uu Farmaajo hogaamiyo markii afar kamid ah dekedaha dadka Soomaaliyeed ay ku wareejisay dowladda cadowga ah ee Ethiopia Waxay doonayaan in ay bulshada Soomaaliyeed ka mashquuliyaan sida ay uga dhiidhiyeen khiyaamada ay galeen” sidaa waxaa yidhi mas’uul ka tirsan Xarakada  Al-Shabaab oo u waramay shabakada SomaliMeMo.

“Sheekh Abu Cubayda wuu noolyahay, wuuna caafimaad qabaa, waqtigii uu Allaah u qoray ayuuna dhiman doonaa, inta ka horeysana wuxuu cadowga Allaah ka hortaagnaan doonaa inay ajandayaashooda gurracan ka hirgeliyaan dhulka Soomaaliyeed ee Muslimka ah” ayuu hadalkiisa sii raaciyay mas’uulkan katirsan Al Shabaab.

 

Dhinaca kale wararka ku saabsan caafimaad darrada Abu Cubayda ayaa beryahan la isla dhexmarayey, balse ilaa hada ma jiraan warar madaxbannaan oo xaqiijinaya dhimashada ama caafimaad darrada la sheegay inay lasoo deristay hoggaamiyaha Al-Shabab.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp