Published On: Sat, Jun 9th, 2018

Al Shabaab Oo Shaacisay In Ay Askar Mareykan Ah Ku Dileen Weerar Ka Dhacay Duleedka Kismaayo Iyo Madaxweyne Trump Oo Ka Hadlay

Smiley face

Araweelo News Network

Kismaayo(ANN)-Al shabaab, ayaa shaacisay in ay weerar  ka dhacay duleedka Magaalada Kismaayo ku dileen  Askar Maraykan ah, Isla markaana ay dhaawacyo u geysteen kuwo kale.

Sida ay sheegeen wararka  Al shabaab dagaalka oo ay ka qayb qaateen boqolaal Ciidamadda Soomaaliya, Kenya Iyo kuwa Maraykankaoo, ayaa ka dhacay deegaanka Baar-Sanguuni ee duleedka Magaalada Kismaayo.

Weeararka oo deegaankaa ka  dhacay galabta, ayaa ahaa mid culus oo ciidamada Mujaahidiinta Al-Shabaab ay la beegsadeen ciidamo huwan ah oo iskugu jira Maraykan, Kenyaan iyo Soomaali, kuwaas oo halkaas dhaq dhaqaaqyo ka waday.

Madaafiicda goobta iyo qoryaha sebenka oo garbaha lagu qaato, ayaa loo adeegsaday , waxaana ciidamada lala beegsaday iyagoo ku sugan deegaanka Baar-Sanguuni oo qiyaastii 45 KM dhanka waqooyiga kaga beegan Magaalada Kismaayo

Saraakiisha milatariga  Al-Shabaab ayaa sheegay in weerarka ay ku dileen ugu yaraan hal askari oo Maraykan ah, isla markaana ay ku dhaawaceen Afar kale, kuwaas oo dhaawacooda uu yahay kuwo aad u liita.

Laba diyaaradood oo nooca Heelikobtarka loo yaqaano ayaa kusoo degey deegaanka Baar-Sanguuni si  ay u qaadaan dhaawaca iyo dhimashada Ciidamada Maraykanka ah. Sida ay Al shabaab sheegtay.

Dhinaca kale Donald Trump, madaxweynaha Maraykanka ayaa bartiisa Twitterka kaga hadlay Askariga lagaga dilay weerarkaa, wuxuuna  ehellada askarigaas la dilay iyo kuwa dhaawacmeyba uu uga tacsiyeeyay musiibada ku dhacday.

“Waxaan u duceynayaa ehellada Askarigeena la dilay, iyo saaxibadiisa ku dhaawacmey Soomaaliya, dhabtii dhamaantooda waa geesiyaal” ayuu yidhi, Donald Trump.

Sidoo kale Taliska Ciidamada Maraykanka ee qaaradda Africa “Africom” ayaa bayaan uu soo saarern kaga hadlay weerarkaa, waxayna qirteen in Koonfurta Soomaliya lagaga dilay Askari Ameerikaan ah, halka afar kalana lagaga dhaawacay.

 

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp