Share this:

" />
Telesom Dahabshiil
Published On: Sat, Jun 27th, 2020

Badheedhihii Wasiir Koore Ee Reer Boorama U Sacab-tumeen

“Hadaad Maqasho Soomaaliya ayaa la doonayaa, waxaad famahtaa cidda la doonayo,….” Wasiir Saleebaan Cali Koore

Burco(ANN)- Wasiirka Wasaaradda Warfaafinta, Dhaqanka iyo Wacyigelinta Somaliland, Saleebaan Cali Koore, ayaa hadalo dhaxal-gal ah ka jeediyay madal lagu xusayay munaasibadii 60-guurada ka soo wareegtay markii ay Somaliland xorriyaddeeda  ka qaadatay Boqortooyada Midawday ee United Kingdom. 26 June 1960, taas oo lagu qabtay Magaalada Boorama ee Xarunta Gobolka Awdal.

Mudane, Saleebaan Cali Koore, wuxuu ka sheekeeyay taariikhda maalinta 26 Juun iyo marxaladihii ay soo martay, isagoo dhinaca kalena xusay heshiisyadii Boqortooyadii Midawday ee Britain la gashay Odayaashii xeebaha Somaliland iyo halgankii Daraawiishta ee uu hoggaaminayay halyeygii Seyid Maxamed Cabdulle Xasan.

Wasiirka Wasaaradda Warfaafinta, Dhaqanka iyo Wacyigelinta Somaliland, Saleebaan Cali Koore, wuxuu khudbada dhaxal-galka ah ee uu ka jeediyay Magaalada Boorama kaga hadlay rabitaanka Soomaaliya iyo doorka dadka deegaamada darafyada, taas oo si farshaxan ah uu bulshada ugu hoga-tusaaleeyay, wuxuuna xusay in marka la leeyahay waxa la doonaya Soomaaliya aannay ujeedadu ahayn darafyada ee cidda la doonayaa ay tahay deegaamada dhexe.

Saleebaan Cali Koore, wuxuu xusay in magaalada Boorama taariikh weyn ku leedahay Somaliland iyo dhismaheeda oo ay tahay magaalada loo yimaado dalxiiska, halka dhinaca kalena ay tahay magaaladii aqoonta iyo waxbarashada, balse wuxuu xusay in dhowaan uu arkayay dhawaaqyo kasoo baxayay magaalada Boorama, kuwaas oo uu sheegay in aannay fahmin xaqiiqda, isla markaana wuxuu ku tilmaamay in ay ahaayeen dhawaaqyadaasi kuwo la siyaasadeeyay, haddii buu yidhi, aannay hoosta wax ka hulqayn.

Wasiirka, ayaa markii uu badheedhihisa ka jeediyay halkaa, waxay bulshadu ku qaabileen sacab iyo mashxarad, isagoo sheegay in aannu isagu ahayn qof runta ka gabada sidaa awgeed uu dadka Boorama runta u sheegayo.

Dooda dhaxal-galka ah ee Wasiir Saleebaan Cali Koore, ka jeediyay Boorama halkan ka daawo.

 

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp