Share this:

" />
Published On: Sat, Jan 12th, 2019

Fadhigii Aan Caadiga Ahayn Ee Guurtida Loogu Yeedhay Oo Dib Loo Dhigay

Smiley face

Hargeysa(ANN)-Fadhigii Gollaha Guurtida Somaliland loogu yeedhay todobaadkii ina dhaafay ee loo balamay inay fadhi aan caadi ahayn isugu yimaadaan maalinta Sabtida ee ku beegnayd maanta 12 January 2019, ayaa dib loo dhigay.

Guddoomiyaha Gollaha Guurtida Saleebaan Maxamuud Aadan, ayaa Mudanayaasha oo saaka soo ajiibay fadhigaa ku war geliyay in fadhiga dib loogu dhigay maalinta beri ee 13 January 2019, wuxuuna sabab uga dhigay arrinta laysugu yeedhay oo wax qabyo ka yihiin, isagoo aan sheegin Guddoomiyuhu qabyadaa, balse wuxuu xusay in aanay dhinacooda ka iman qabyadu, wuxuuna uga mahadceliyay Mudanayaasha sida ay usoo ajiibeen fadhigaa aan caadiga ahayn oo sida uu golaha ka sheegay maalinta beri dib loogu dhigay.

Todobaadkii horre, ayaa fadhi aan caadi ahayn loogu yeedhay Gollaha guurtida, taas oo sabab looga dhigay, kadib markii Shir-guddoonka Aqalka Odayaashu ay Madaxweynaha Somaliland Muuse Biixi ka heleen qoraal uu soo gaadhsiiyay oo la xidhiidha mudda kordhinta ay sababtay doorashooyinka dib u dhacay. Sidaa awgeed Gollaha Guurtida oo isagu leh mudda kordhinta uu mudadda u kordhiyo Gollayaasha Wakiiladda iyo Deeggaanka Somaliland.

Warqad Madaxweyne Muuse Biixi u gudbiyay Shirgudoonka gollaha guurtida oo ku taariikhaysan 8 January 2019, Isla markaana shebekadda Araweelo News Network heshay nuqul ka mid ah, waxa Madaxweynuhu kaga hadlay in muddadii la filayay in doorashada golaha Wakiiladda Somaliland ka qabsoonto dalka March 2019, aanay farsamo ahaan Iyo dhaqaale ahaan suurta gal ahayn.

Sidaa awgeed Madaxweynaha Somaliland Muuse Biixi oo qoraalkiisa ku sheegay in uu ku lifaaqay warqad uu ka helay guddida doorashooyinka Qaranka oo ku taariikhaysan 19/12/2018, taas oo ay ku sababeeyeen in aan doorashadu waqtigeedu ku qabsoomayn, balse qoraalka Madaxweynaha waxa lagu xusay oo keliya doorashada Gollaha wakiiladda, iyadoo aan meelna lagaga xusin doorashada Gollayaasha deegaanka, waana sababta loo malaynayo in fadhiga Gollaha Guurtida saaka dib loogu dhigay si qoraalka dhanka Madaxtooyadda ka yimi ee lagu socodsiiyay Guurtida loo saxo.

Qoraalka Madaxweyne Muuse Biixi u gudbiyay golaha Guurtidu todobaadkii horre, ayaa u dhignaa sidan:-

Warqada Madaxweynaha Somaliland Muuse Biixi u gudbiyay Guurtida araweelo News Network.
Warqada Madaxweynaha Somaliland Muuse Biixi u gudbiyay Guurtida araweelo News Network.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp