Share this:

" />
Telesom Dahabshiil
Published On: Sat, Dec 19th, 2015

Guddida Loo Magcaabay Mushkilada Sixir Bararka Oo La Kulantay Masuuliyiinta Shirkada Isgaadhsiinta Telesom

Muuqaalka kulanka Guddida iyo Masuuliyiinta Telesom

Muuqaalka kulanka Guddida iyo Masuuliyiinta Telesom

Hargeysa(ANN)Guddi uu dhowaan Madaxweyne Siilaanyo u magcaabay xalinta mushkilada sixir barabra ku habsaday dalka, isla markaana saamaynta ku yeeshay nolosha inta baddan Bulshada Somaliland ee danyarta ah, ayaa kulan saacado qaatay la yeeshay Masuuliyiinta sare ee shirkadda Isgaadhsiinta TELESOM.

Kulankaa ayaan si dhab ah loo ogayn qodobada lagaga hadlay ee lagu faaqiday, iyadoo aanay saxaafadu goob joog ka ahayn, balse markii uu dhamaaday kulankaa oo ka dhacay galabta qasriga Madaxtooyadda Somaliland, waxa qoraal kooban oo warbaahinta loo qaybiyay si guud loogu sheegay in Guddida iyo masuuliyiinta shirkada Telesom ka wada hadleen sidii xal loogu heli lahaa mushkilada sixir bararka.

Muuqaalka kulanka Guddida iyo Masuuliyiinta Telesom

Muuqaalka kulanka Guddida iyo Masuuliyiinta Telesom

Qoraalka kulankaa kadib kasoo baxay Qasriga Madaxtooyadda Somaliland, ayaa u qornaa sidan:-
“Gudidii uu madaxweynaha Jamhuuriyada Somaliland u xilsaaray inay soo baadho kana soo tallo bixiso sicir-bararka dalka ka jira, oo uu gudoomiye u yahay Madaxweyne ku xigeenka Jamhuuriyada Somaliland, ayaa la kulmay Madaxda sarsare ee Shirkada Isgaadhsiinta TELESOM, kulankan oo ka qabsoomay Qasriga madaxtooyada ayaa qaatay saacado dhawra.

Muuqaalka masuuliyinta Teleom ee la kulmay Guddida Madaxweyne Siilaanyo u magcaabay xalinta sixir barabarka

Muuqaalka kulanka Guddida iyo Masuuliyiinta Telesom

Shirkan ayaa la xidhiidha ama daba socda shirar dhawra oo gudidu hore ula yeelatay Sariflayaasha iyo dad ku xeel dheer arrimaha dhaqaalaha iyo sicirka lacagta, iyagoo halkaa ka sii wadi doona shirar kala duwan oo ay gudidu la yeelan doonto cid kasta oo ay u arkaan in ay fikrado iyo talooyin la xidhiidha sidii loo soo afjari lahaa sicir bararka dalka ka jira, ujeedadii loo aas aasay gudiduna ay ahayd inay xal-waara ka keenaan arrimahaa saameeyey bulshada qaybeheeda kala duwan.

Kulankan galabta ayaa ahaa mid lagaga wada hadlay arrimo la xidhiidha doorka sicir bararka iyo aragtida shirkada TELESOM ay ka qabto sidii lagu xalin lahaa ama lagu soo af-meeri lahaa, laguna soo dabaali lahaa sarifka lacagaha qalaad halkii uu hore uga kacay iyo in laga hoos marin karaba.

Waxaanu kulankani noqday mid ku soo dhamaaday talo iyo tusaale la isla gorfeeyey loona balamay in meel looga soo wada jeedo wax kasta oo suuragal ka dhigaya hoos u dhiga sicirka lacagaha qalaad.

Ugu danbayn waxa halkaasi ku soo xidhmay kulankii ay u dhamaayeen gudidii madaxweynuhu u xilsaaray arrimaha sicir bararka oo uu gudoominaayey madaxweyne ku xigeenka Qaranka Somaliland Mudane Cabdiraxmaan Cabdilaahi Ismaaciil (Saylici) oo madaxweynuhu u wakiishay inuu gudoomiye u noqdo gudida iyo madaxda sarsare ee shirkada TELESOM.” ayaa lagu yidhi qoraalka.

Qiimaha lacagta dollarka, ayaa gaadhay maalmihii u danbeeyay halkii u saraysay taariikhda intii Somaliland jirtay, waxaana qiimaha halka dollar gaadhay 8,000 S.Sh, halkii uu ka ahaa inta u dhaxaysa 7,000 S/L Sh – 6,500 S/L Sh, taas oo saamayn weyn ku yeelatay nolosha Bulshada Somaliland oo ah Bulsho danyar ah, isla markaana waxay arrintani saamayn ku yeelatay Quutal-daruuriga iyo badeecaddaha suuqyada ganacsiga Somaliland.

Shirkadda Telesom oo ah shirkadda ugu weyn dhinaca Isgaadhsiinta, ayaa ka mid ah shirkaddaha tirada yar ee ran-gareeya dhaqaalaha dalka, waxayna bixisaa adeega Mobile Money tarasfer ee lacagaha laysugu diro ee ZAAD.
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews

WhatsApp + 252 63 442 5380
Send an SMS or MMS to + 252 63 442 5380

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp