Share this:

" />
Telesom Dahabshiil
Published On: Mon, Jul 27th, 2015

Guddoomiyaha Maxkamadda Sare Ee Somaliland Oo Shaaciyey Mawqifkiisa Garsoorayaasha Madaxweynuhu Magacaabay

Guddoomiyaha Maxkamadda Sare Aadan Xaaji CaliHargeysa (ANN) Guddoomiyaha Maxkamadda Sare ee Jamhuuriyadda Somaliland Garyaqaan Aadan Xaaji Cali Axmed, ayaa ka hadlay mawqifkiisa garsoorayaasha cusub ee Madaxweyne Siilaanyo magaacabay iyo go’aanka lagu kordhiyey tirada guud ee garsoorayaasha ka hawlgeli doona Maxkamadda Sare ee Somaliland.
Garsoorayaasha Maxkamadda Sare oo hadda laga dhigay 11 xubnood, kadib markii Madaxweyne Siilaanyo magaacay 8 garsoore oo cusub, isla markaana xilalkii ay hayeen ee ka qaaday saddex garsoore.
Guddoomiyaha Maxkamadda Sare Garyaqaan Aadan Xaaji Cali Axmed, wuxuu qoraal kasoo saaray aragtidiisa ku waajahan garsoorayaasha Madaxweynuhu magcaabay iyo kuwa xilalka laga qaaday, isagoo tilmaamay in garsoorayaasha cusub ee la magaacabay yihiin qaar aqoon sare u leh sharciga, isla markaana uu u rajaynayo inay wax weyn ka beddeli doonaan dib-u-habaynta caddaaladda, wuxuuna madaxweynaha uga mahadnaqay tallaabada lagu kordhiyey tirada garsoorayaasha oo uu xusay inay yihiin tallooyin uu soo jeediyey oo Madaxweynu ku qancay.
“Guddoomiyaha Maxkamadda Sare iyo ta Dastuurga ah waxa uu uga mahadnaqayaa madadaxwaynaha Jamhuuriyadda Somaliland kordhinta uu ku sameeyey Garsorayaasha Maxkamadda Sare, iyada oo ka turjumaysa baahida loo qabo garsoorayaal dacwadaha dhaqaaajiya. Madaxwaynuhu waxa kale oo uu tixgaliyey tallooyinkii uu u soo jeediyey Guddoomiyaha Maxkamadda Sare, iyada oo garsorayaasha la magacaabay ay yihiin dadkii u qalmayey oo ah dad khibrad dheeraad ah u leh, kuna soo dhex jiray Garsoorka muddo dheer, isla markaana waxbarasho sharci oo sareeya leh,” ayuu yidhi Guddoomiyaha Maxkamadda Sare ee Somaliland.
Waxa kaloo uu tilmaamay in garsoorayaasha la magacaabay wax weyn ka tari doonaan sidii loo dhaqaajin lahaa dacwado muddo dheer yaalay maxkamadaha, waxaannu yidhi; “Waxaan rajaynayaa in ay wax weyn ka tari doonaan dib-u-habaynta caddaaladda iyo waliba dacwado kor u dhaafay 300 (saddex boqol oo dacwadood) oo muddo dheer maxkamadaha iska dhex yaalay, una baahan in laga garnaqo.”
Guddoomiyaha Maxkamadda Sare, ahna Guddoomiyaha Guddida Caddaaladda Somaliland Garyaqaan Aadan Xaaji Cali Axmed, ayaa sidoo kale la filayaa inuu Isniinta maanta si faahfaahsan uga hadlo tallaabada madaxweyne Siilaanyo ku kordhiyey tirada garsoorayaasha Maxkamadda iyo faa’iidooyinka ay u yeelan doonaan dib-u-habaynta caddaaladda iyo ka garnaqa dacwado tiro badan oo muddo dheer yaalay maxkamadaha Somaliland.
Dhinaca kale, Madaxweyne Siilaanyo ayaa u cuskaday qodobo dastuuri ah xilalka uu ka qaaday saddexda garsoore oo ka tirsanaa Maxkamadda Sare ee Somaliland, kuwaasoo kala ah; Garsoore Yaasiin Xasan Ismaaciil, Garsoore Axmed Xasan Dirir iyo Garsoore Cabdiraxmaan Madar Carraale, iyadoo tiradda guud ee Garsoorayaasha Maxkamadda Sare hadda ka kooban tahay 12 garsoore, kuwaas oo kala ah guddoomiyaha iyo 8 garsoore oo madaxweynuhu magaacay shalay iyo saddex garsoore oo hore xilka u sii hayey.

Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews.

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp