Published On: Mon, Apr 9th, 2018

Guddoomiye Jawaari Oo Xaqiijiyay Inuu Xilka Iska Casilay Iyo Sababta Uu Go’aankaa U Qaatay

Smiley face

Araweelo News Network

 

Muqdisho(ANN)-Gudoomiyaha Aqalka Hoose ee Baarlamanka Soomaaliya  Maxamed Sheekh Cusmaan Jawaari ayaa si rasmi ah u xaqiijiyey inuu  go’aansaday inuu xilka iska casilo.kaddib mooshin muran iyo sawaxan abuuray oo la doonayay in xilka lagaga qaado.

 

Hase yeeshee Gudoomiyuhu wuxuu sheegay in go’aankaa uu qaatay si uu burbur uga badbaadiyo Baarlamanka, isagoo xusay inuu kulanka Arbacada ee baarlamaanka ka shaacin doono oo golaha u gudbin doono istaqaaladiisa.

Guddoomiyaha is casilay Faahfaahin dheeraad ah kama bixin sababaha uu isu casilay, iyo talaabada xigta ee uu qaadi doono, balse wuxuu ku gaabsaday inuu Baarlamaanka u gudbin doono iscasilaadiisa.

Ciidamada ammaanka Dowladda Federaalka ayaa xalay saq dhexe xiray wadooyinka Magaalada Muqdisho, maadaama la filayay in maanta uu dhaco kulanka Baarlamaanka oo codka kalsoonida loogu qaadi lahaa Gudoomiye Jawaari, balse inta uusan kulanka furmin is casilay.

Guddoomiye ku xigeenka koowaad ee golaha baarlamaanka Cabdi Wali Muudeey, ayaa maanta xarunta Baarlamaanka tobaneeyo xildhibaan ka hor sheegay warqad uu sheegay in ay ka timid Jawaari islamarkaana uu iska casilay xilkii uu hayay, waxaana markaa kadib warbaahinta u xaqiijiyay inuu Jawaari iscasilay Cabdi Raxmaan Xoosh oo ah wasiirka dastuurka Dawladda Federaalka, wuxuuna xusay in la laalay mooshinkii muranka dhaliyay.

Guddoomiye Jawaari, ayaa kulan saacado qaatay la yeeshay Madaxweynaha Dawladda Federaalka Maxamed Cabdullaahi Farmaajo  ka hor intii aanu shaacin go’aankiisa  la xidhiidha inuu xilka Guddoomiye iska casilo.

Ciidamada ayaa laga qaaday wadooyinkii ay xidheen, waxaana dib u soo noqday isu socodka gaadiidka dadweynaha oo maalmihii u dambeeyay hakad galay, iyadoo dadka magaalada muqdisho si weyn uag wer werayeen xaalada kacsan iyo khilaafka siyaasadeed ee taagnaa.

 

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp