Share this:

" />
Telesom Dahabshiil
Published On: Wed, May 24th, 2017

Madaxweynaha Qaranka Somaliland Oo Qaabiley Dhalinyaro Ku Guulaysatay Imtixaankii Hay’adda Shaqaaluhu Ku Qaaday Laascaanood

Araweelo News Network


Hargeysa(ANN)Madaxweynaha Jamhuuriyadda Somaliland, Mudane Axmed Maxamed Silaanyo waxa uu maanta xafiiskiisa ku qaabiley sodon dhalinyaro ah oo dhawaan ku guulaystay imtixaan ay ku galeen gobolka sool magaalo madaxdiisa laascaanood, kaasoo ay kaga mid noqdeen shaqaalaha dawladda Somaliland, markii ay ku soo baxeen kaalmihii laga rabay, waxaanay noqotay markii ugu horaysay ee gobolada Somaliland, marka laga tago Maroodi-jeex lagu qaado imtixaan shaqaale oo baaxdaasi leh, taasi oo ay suurogelisay hay’adda shaqaalaha dawlada Somaliland oo uu gudoomiye ka yahay sharmaake Axmed Muxumed Geelle oo ah wiil da’a yar oo madaxweynuhu xilkaas hay’ada shaqaalaha uu u magacaabay.

Dhalinyaradan oo maalmahan ku sugnaa caasimada ayaa nasiib u yeeshay in loo qaybiyo wasaaraddaha dalka oo ay ka mid tahay Madaxtooyada qaranka Somaliland, waxaanu Madaxweynuhu kulankan uu u sameeyey da’a yartu uu ahaa mid dhiirigelin iyo dardaaran ah.

Gudoomiyaha hay’adda shaqaalaha mudane sharmaake oo kulankaasi ka hadlay ayaa yidhi “Madaxwayne kaalmahan shaqo ee aad soo dhawaynayso waxay fariin u tahay qiimaha shaqaalaha dawladu ku leeyihiin Somaliland, loona aqoonsan yahay shaqaale qiimo leh oo qaranka meel weyn kaga jira, farxad weyn ayay saaka u tahay dhammaan shaqaalaha dawlada oo dareemaya inay qiimo weyn ku leeyihiin dawladda aad hoggaamiso, kulankan uu idiin qabtay Madaxwaynihii ummadda u sareeyayna waxay muujinaysaa inaad qaranka si daacadnimo leh oo nafhurnimo leh oo hufnaan leh inaad ugu adeegtaan dalkiina iyo dadkiina”.

Madaxwweynaha oo ka hadlay kulankaasi ka dib ayaa weedho mahadnaq, dhirigelin iyo gubaabo ah u jeediyey da’a yartaasi waxaanu yidhi “Waxaan aad ugu faraxsanahay kulankan aad saaka iigu timaadeen idinkoo ah guulaystayaashii imtixaankii dhawaan lagu qaaaday magaalo madaxda gobolka sool ee Laascaanood, waxaan idinka rajaynayaa inaad dalkiina si daacadnimo iyo wadanimo leh ugu shaqayn doontaan insha Allaah, waxaan bogaadinayaa masuuliyiinta hay’adda shaqaalaha dawladda oo uu hormuud u yahay Guddomiyuhu, talaabadaas qiimaha leh ee ay qaadeen aad baad u mahadsan tihiin.” ayaa lagu yidhi qoraalkaa oo kasoo baxay Xafiiska Saxaafadda iyo Warbaahinta Madaxtooyada JSL.

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a website based in Somaliland. Arraale is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 <https://web.whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp