Share this:

" />
Telesom Dahabshiil

Madaxweyne Ku Xigeenkii Hore Ee Somaliland Muj. Xasan Ciise Muxuu Ka Yidhi Shirka Djibouti

 

Ankara(ANN)-Madaxweyne ku xigeenkii u horeeyay ee Somaliland, Muj Xasan Ciise Jaamac, ayaa ka hadlay shirka Somaliland iyo Soomaaliya ku dhexmaraya dalka Djibout.

Muj. Xasan Ciise, wuxuu kaga hadlay shirka wada hadalada Somaliland iyo Soomaliya iyo aragtidiisa qoraal uu kasoo diray dalka Turkiga, kaas oo uu soo mariyay Warbaahinta Madaxtooyadda Somaliland.

Nuqul qoraalkaas ah oo ku taariikhaysan, 17.6.2020,  ayaa soo gaadhay shebekaddaha Araweelo News Network, wuxuuna u qornaa sidan:-

Anigoo ah Xasan Ciise Jaamac waxan madaxweynaha Jamhuuriyadda Somaliland, Mudane Muuse Biixi Cabdi ku hambalyeynayaa guusha uu ka soo hooyey shirkii wada hadalada Qaranka Somaliland iyo Soomaaliya ee ay dhex-dhexaadinayeen dalalka Maraykanka, Ethiopia, Jabuuti iyo Goob-joogayaashii ay ka midka ahaayeen midawga dalalka Afrika ee ay gogashiisa lahayd dawladda Jamhuuriyadda Jabuuti.

Qodobadan hoose waa kuwa aan madaxweynaha ku hambalyeynayo sida geesinimada leh ee uu shirkaasi uga dhex akhriyey dareenka shacbigiisa iyo dalkiisu qabaan ee garnaqsiga ahayd:-

1.      Shuruudaha uu ku xidhay kulanka Somaliland iyo Somaaliya ee uu ku guleystay, inaan dhinaca Somaaliya lagu soo darin xubno ka soo jeeda Somaliland Iyo in dawladaha waaweyn iyo ururada caalamiga ahi goobjooge ka ahaadaan kulankaa.

 

2. Qaabka uu wefdiga Jamhuuriyadda Somaliland ugu diyaargaroobay kulanka iyo dooda Somaliland sida uu madaxweynuhu ugu soo bandhigay kulanka, af iyo qoraalba.

 

 

3.     Natiijada kulanka sida inaan la siyaasadeyn kaalmooyinka labada dal ka helayaan shiisheeyaha iyo in wada hadalada labada dhinac ay hagaan danaha dadyawga labada waddan.

 

4.      War-murtiyeedkii kasoo baxay kulanka Jabuuti oo si siman oo isku mida uga hadlay isuna garab-dhigay labada madaxweyne iyo labada dal ee Somaliland iyo Soomaaliya.

 

 

5.      Xulashada Xubnaha wefdiga ku wehelinayay madaxweynaha shirka iyo xubnaha uu u magacaabey gudiga farsamada.

 

Xasuusin;

 

A.    Waanigii odhanjiray tan iyo 1991, diriiqa loo marayo ictiraafka Somaliland waxa uu ka bilaabmaa Xamar, Cabdiraxmaan Axmed Cali (AHUN) iyo anigu waanagii 1991 Xamar u dirnay wefdi uu hoggaaminayo Saleeban Maxamuud si cilaaqaadka labada waddan ugala soo hadlaan.

 

Xukuumadihii naga dambeeyay way ka maageen wada hadalada Xamar, markii aan taladaas dib usoo celiyay een kusoo qoray warbaahinta Somaliland ayuu Axmed Silaanyo ku dhiiradey, Muusena maanta wuu ku hagaagsanyahay inuu wadahadalada halkaas ka sii wado, waayo danta Somaliland ayaa sidaasi ku jirtaa.

 

Marka ay ugu badantahey Somaliland waxey ka heli doonta ictiraaf, marka ay ugu yartahayna waxay ka heli doontaa garawshiiyo caalamiya.

Marka aad garleeday garnaqsiga lama diido loomana eekaado garmaqaate.

 

Waayo caalamka ayaa ku odhanaaya hadaad ictiraaf dooneyso soo kala baxa cida aad kala tageysaan.

 

B.      Xukuumadan iyo xukuumadkastaba xaq ayay u leeday in lagu hambalyeeyo wixii guul ah ee ay soo hoyso.

Sida mucaaridku uu xaq ugu leeyahay inuu xukuumada kala taliyo wixii dhaliil ah ama dhibaato keeni kara.

                                                 

 

 WA BILLAAHI TAWFIIQ.

 

           Mujaahid Xassan Ciise Jaamac,  

Madaxweyne ku xigeenkii u horeeyey Jamhuuriyadda Somaliland                      

 

Ku Sugan Dalka Turkiga

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp