Araweelo News Network.
“Madaxweynuhu dhabarka ayuu taabtay Kaahin iyo Gaafaadhiba inuu Kulmiye ku wareejinayo, sidaasina….” Cali Gurey.
Hargeysa(ANN)-Siyaasiga Cali Maxamed Yuusuf (Cali Guray), ayaa ka hadlay go’aanka Xisbiga KULMIYE, lagaga saaray Siyaasiga Maxamuud Xaashi Cabdi iyo saamaynta kaga imankarta tallaabadaa Madaxweynaha Jamhuuriyadda Somaliland, Muuse Biixi Cabdi, isla marakana ah Guddoomiyaha Xisbiga.
Siyaasiga Cali Gurey, wuxuu ku tilmaamay go’aanka mid aan laga fiirsan oo ku noqon doona Madaxweyne Biixi waran kusoo nooqnaya.
“Maxamuud Xaashi iyo aniguba waxaan ka mid ahayn aasaasayaashii Xisbiga KULMIYE, Muuse wuu noogu yimi, Maxamuud waa Ninkii dhisay Madaxweynaha, waxaad eegtaa Cirro, isagoo aan Madaxweyne noqon ayuu Xisri iyo Cabdirisaaq Khaliif laba guddoomiye ka dhigay, hadduu Madaxweyne noqon lahaana maxaad u malanay.”
Cali Gurey, wuxuu sidaa ku sheegay waraysi uu maanta siiyay telefishanka BulshiTV, isagoo Madaxweyne Biixi ku tilmaamay Nin aan Maxamuud Xaashi oo keliya ka abaaldhicin oo sidaa u geline qof walba oo irbad dhuub u geliyay la dagaalamay.
Sidoo kale ka hadlay mustaqbalka Xisbiga KULMIYE, oo sida uu sheegay isaga Maxamuud Xaashi ka mid ahaayeen aasayaashii, isagoo tilmaamay xaalka uu xilligan ku suganyahay Xisbiga KULMIYE.
Laxidhiidha: Xisbiga Mucaaradka Ee WADDANi Oo Ka Hadlay Natiijadda Ka Dhalanay In Siyaasiga Maxamuud Xaashi Laga Saaro KULMIYE
Dhinaca kale, Siyaasiga Cali Maxamed Yuusuf (Cali Guray), wuxuu sharaxaad ka bixiyay guddoomiyaha Xisbiga Kulmiye oo dhowaan ay soo baxday in Madaxweyne Biixi wareejinayo, iyadoo wasiirka Arrimaha guddaha Maxamed Kaahin oo ah guddoomiye ku xigeenka Koowaad sheegay in isaga lagu wareejinayo.
Lxidhiidha: Maxamuud Xaashi Oo Ka Hadlay Mawqifka Isaga Iyo Saaxiibadii Ee Siyaasada Kaddib Go’aanka KULMIYE
Hase yeeshee waxa markaa kaddib si cad u sheegay in uu ku tartamayo guddoomiyaha Xisbiga KULMIYE, Wasiirka Caafimaadka Somaliland, Dr. Xasan Maxamed Cali Gaafaadhi, wuxuuna Siyaasiga Cali Gurey sheegay in uu maqlay in Madaxweynuhu dhabarka taabtay labada wasiirba.
Daawo Muuqaalkan Siyaasiga Cali Gurey oo arrimahaa ka hadlaya.
Published by Araweelo News Network.
Fadlan la wadaag saaxiibadaa oo warbxinaha iyo wararka ay soo gudbiyaan shebekaddaha Araweelo News Network.
Follow us Twitter@Araweelonews
Facebook@AraweeloNews
instagram@araweelonews
By Arraale M Jama Freelance Journalist and Human Rights activist.
info@araweelonews.com
