TelesomDahabshiil
Published On: Sat, Jun 13th, 2020

Mucaaradka Somaliland Iyo Siyaasiyiinta Madasha Oo Mawaaqif Kala Duwan Ka Istaagay Shirka Madaxweyne Biixi Iyo Farmaajo Ee Djibouti

Hargeysa(ANN)-Labada Xisbi mucaarad ee Somaliland UCID iyo WADDANI, ayaa mawaaqif kala duwan ka istaagay kulanka Madaxweynaha Somaliland, Muuse Biixi Cabdi iyo Madaxweynaha Soomaaliya, Maxamed Cabdulaahi Farmaajo ee maalinta beri Axadda 14 Jun 2020, ka dhacaya dalka Djibouti oo uu martigeliyay Madaxweynaha dalkaa Imaaciil Cumar Geelle.

 

Guddoomiyaha Xisbiga mucaardka ee UCID, Eng. Faysal Cali Waraabe oo ka hadlay mawqifka xisbi ahaan ee kulankaa, ayaa Madaxweyne Biixi ku eedeeyay inuu dhaafay khadka cagaaran ee Somaliland, isla markaana wuxuu sheegay in aannay habboonayn in xilligan ay Somaliland in ay hor-fadhiisato Soomaaliya, isagoo si cad u sheegay inuu kasoo horjeedo kulankaa.

Eng. Faysal, wuxuu shuruud uga dhigay kulan ay Somaliland la yeelato Soomaaliya in marka horre looga baahan yahay Soomaaliya inay fuliso heshiisyadii hore ay labada daraf u wada galeen, kuwaas oo uu xusay inay dhinaca Soomaaliya ay ka socon waayeen.

Guddoomiyaha UCID, Feysal ayaa ku tilmaamay kulankaa mid dowladda Soomaaliya ee Villa Somalia ee Farmaajo iyo xulafadiisa caalamiga ah ay u adeegsanayaan munaasabad been ah oo doonayaan inay ku xoojinayaan sumcadda sii xumaaynaysa ee Madaxweyne Farmaajo oo muddo ka yar Lix bilood ay ka hadhay doorashada madaxweynaha ee ay ku guuldaraysteen kooxda Farmaajo.

Dhinaca kale, Cabdirisaaq Khaliif Axmed oo ka tirsan Guddida Fulinta ee Xisbiga WADDANI, ayaa ka hadlay mawqifkooda xisbi ahaan kulankaa, wuxuuna sheegay in Madaxweynuhu warbixin ka siiyay kulanka uu la yeelan doono Farmaajo, isla markaana talooyin wixii ay hayeen siiyeen, sidaa awgeed ay ka warsugi doonaan natiijada kasoo baxda marka uu soo dhammaado kulanka Djibouti ee Madaxweynaha Somaliland iyo Madaxweynaha Soomaaliya.

AKHRI: Madaxweynaha Djibouti Oo Ka Hadlay Kulanka Madaxweyne Biixi Iyo Farmaajo Ee Dalkiisa, Doorka Abiy Ee Ethiopia Iyo Duruufaha Ku Xeeran

Kulanka labada Madaxweyne oo beri ka dhacaya Djibouti, waxa sidoo kale ka hadlay kooxda la baxday Madasha oo ah siyaasiyiin, waxayna si weyn u diideen qorshaha shirkaa ay wadaan Djibouti iyo Ethiopia, iyagoo ku tilmaamay shirka Djibouti ee ay wadaan Madaxweyne Geelle, Ra’iisal Wasaaraha Ethiopia Abiy Axmed iyo Farmaajo, Madaxweynaha Soomaaliya inuu yahay mid af-duub ah oo lagu af-duubayo qaranimada Somaliland.

 

 

 

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp