Hargeysa(ANN)Musharaxii madaxweyne ku xigeenka Xisbiga UCID, Aqoonyahan Cabdirashiid Xasan Mataan,ayaa gabi ahaanba iska casilay xilkii madaxweyne xigeen ee xisbiga Ucid. waxa uu sidaasi ku sheegay shir jaraa’id oo uu maanta Hargeysa ku qabtay.
Mudane Cabdirashiid, wuxuuna ku sababeeyay inuu xilkaa iska casilo eedo uu u jeediyay guddoomiyaha xisbiga Ucid Eng Faysal Cali Waraabe, isagoo ku dooday in xisbiga uu afduubtay guddoomiye Faysal, sidoo kalena waxa uu sheegay in musharax Jamaal ka gaabiyay hawlo uu sheegay in xisbiga lagu badbaadin lahaa, islamarkaana ay ku kala aragti duwanaadeen siyaasadda xisbiga ” Markaan arkay in Musharaxa Madaxweyne ee Xisbigu ka gaabiyay ka qaybqaadashada Hawlaha Xisbiga, Kuna kala aragti Duwanaanay Jamaal, Waxaan Si rasmi ah iskaga casilay xilkii murashax ku xigeen iyo Xubinnimadii Xisbigaba,” ayaa yidhi, Cabdirashiid.
Dhinaca kale Guddoomiyaha Xisbiga UCID, Eng. Faysal Cali Waraabe iyo masuuliyiin kale oo hawlo shaqo ku jooga magaalada Burco ee Xarunta gobolka Togdheer, ayaa ka hadlay iscasilaadii uu saaka ku dhawaaqay murrashaxa Madaxwayne ku-xigeen ee Xisbiga Ucid.
Xoghayaha Guud ee Arrimaha Bulshada Xisbiga UCID, Cabdiraxmaan Axmed Cali (Ina Cali Cawar), ayaa warbaahinta kula hadlay magaalada Burco ee xarunta gobolka Togdheer, kadib kulan albaabada loo xidhay oo ay wada yeedsheen Guddoomiyaha iyo xubno kale, waxaana sarkaalka la hadlay warbaahintu sheegay in aanay waxba ka jirin eeddaha loo jeediyay guddoomiyaha Xisbiga UCID, waxayna ku tilmaameen Musharaxa is casilay nin hawshiisa kasoo bixi waayay oo muddooyinkanba aan lahayn, isla markaana ka gaabiyay hawlaha shaqo ee Xisbiga.
Somaliland Office
Email info@araweelonews.com
Jaamac132@gmail.com
Twitter: Arraale M Jama @Araweelonews
WhatsApp + 252 63 442 5380
Send an SMS or MMS to + 252 63 442 5380
