Share this:

" />
Telesom Dahabshiil
Published On: Sat, Apr 29th, 2017

Pyongyang: Kuuriyada Waqooyi Oo Sii Wada Tijaabada Gantaaleheeda, Madaxweyne Trump Iyo Madaxda Kale Ee Dunida Oo Jawaabo Is Khilaafsan Ka Bixiyay

Araweelo News Network

An undated file photo released on April 24, 2017 by the North Korean Central News Agency (KCNA) shows an ‘underwater test-fire of strategic submarine ballistic missile’ conducted at an undisclosed location.


Pyongyang(ANN)-Dalka Kuuriyada Waqooyi, ayaa sii wada tijaabada Gantaalaha hubka Nukliyeerka xanbaarsan, kaddib markii uu mar kale hawadda u ganay gantaal kale oo ah nooca Ballistika ah, Saacado yar kaddib markii xoghayaha arrimaha dibada ee Mareykanka Rex Tillerson ku baaqay in si adag loo waajaho xukuumadda Pyongyang ee uu hoggaamiyo Kim Jong-un.

Sida ay sheegayaan Saraakiisha Kuuriyada Koonfureed iyo Maraykanka, waxa lagu guul daraystay tijaabada gantaalka Kuuriyada Waqooyi ay hawadda u riday, waxayna ku doodeen in gantaalka uu qarxay waxyar ka dib markii la riday.

Dhinaca kale Madaxweynaha Maraykanka Mr. Donald Trump oo ka hadlay gantaalka ay tijaabisay Kuuriyada Waqooyi, ayaa sheegay in arrintaasi ay ixtiraam daro ku tahay wadamada gobolka, gaar ahaan dalka Shiinaha.

Sidoo kale Tillerson oo ka hadlayay xarunta Golaha Ammaanka ee Qaramada Middoobay ayaa ka digay cawaaqib xumada ka dhalan karta haddii caalamka uu ku guul dareysto in uu tallaabo ka qaado Kuuriyada Waqooyi.

Hase yeeshee wadamo dhawr ah oo ay ka mid yihiin Shiinaha iyo Ruushka ayaa ka soo horjeestay in talaabo Milateri loo adeegsado Xukuumadda Pyongyang, kuwaasoo ku baaqay in wadahadalada ku waajahan arrinta xiisada Pyongynag dib loo bilaabo.

Television news coverage showing archive footage of a North Korean missile on a public screen in Seoul, South Korea, on March 6, 2017


Tijaabada gantaalka Xukuumadda Pyongyang, ayaa ku soo beegmay maalmo kaddib markii Madaxweynaha Maraykanka Donald Trump uu markale ka digay in uu si fudud u billaabmi karo dagaal wayn oo lala galo Kuuriyada Waqooyi, kaasoo salka ku haya hubka nukliyeerka ah.

Donald Trump oo la hadlayay wakaaladda wararka ee Reuters, ayaa sheegay inuu doorbidayo in arrintani ay noqoto mid lagu xaliyo qaab diblomaasiyadeed, Balse ay adag tahay in laga guulaysto xal dhanka dublamaasiyada ah.

Madaxweynaha Maraykanka, Donald Trump, wuxuu ku eedeeyay Kuuriyada Waqooyi in ay xushmad darro u muujisay Shiinaha oo ah saaxiibka ugu weyn ee ay leedahay, kaddib markii ay gantaalkii saddexaad tijaabisay muddo bil gudaheed ah.

Mr Trump oo dhawaan Aqalka Cad ku marti-qaaday Madaxweynaha Shiinaha, Xi Jinping, ayaa ku amaanay “sida uu ugu dedaalayo” wax ka qabashada xiisadda Kuuriyada Waqooyi.

Balse Wasiirka arrimaha dibedda ee Shiinaha, Wang Yi, ayaa ku baaqay in wadahadal cusub laga yeesho arrinta Kuuriyada Waqooyi,halka wasiir ku xigeenka arrimaha dibedda ee Ruushka, Gennady Gatilov, uu sheegay in aan la aqbali karin tallaabo milateri oo ka dhan ah dalkaasi ku hubaysan nukliyeerka, taas oo uu sheegay in ay halis dunida u horseedi karto.

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a website based in Somaliland. Arraale is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 <https://web.whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp