Published On: Sun, Jul 29th, 2018

Ra’iisal Wasaaraha Dawladda Federaalka Ee Soomaaliya Oo Booqday Garoowe Iyo Ujeedada Safarkiisa

Smiley face

Araweelo News Network

Khayre oo booqday Garoowe

Garoowe(AN)-Ra’iisal Wasaaraha Xukuummadda Federaalka ah ee Soomaaliya Mudane Xasan Cali Khayre iyo wefdi uu hogaaminayo ayaa maanta ka degay garoonka diyaaradaha magaalada Garowe ee xarunta maamul Gobaleedka Soomaaliya ee Puntland.

Khayrd oo booqday Garoowe

Sidaana waxa lagu sheegay qoraal saxaafadeed kasoo baxay Xafiiska Ra’iisal Wasaare Khayre oo soo gaadhay shebekadda Araweelo News Nerwork, wuxuuna qoraalkaa oo ahaa mid kooban u qornaa sidan:-

“Ra’iisal Wasaaraha Xukuummadda Federaalka Soomaaliya Mudane Xasan Cali Khayre iyo wefdi uu hogaaminayo ayaa maanta ka degay garoonka diyaaradaha magaalada Garowe ee xarunta maaamul Gobaleedka Puntland, halkaas oo ay uga bilaabatay booqasho maalma qaadaneysa oo uu ku marayo magaalooyinka iyo deegaannada Puntland. Madaxweynaha Puntland Cabdiweli Maxamed Cali Gaas, ku-xigeenkiisa xubno kamid ah baarlamaanka iyo golaha wasiirrada Puntiland iyo kummannaan bulshada qaybaheeda kala duwan ka socda ayaa Ra’iisal Wasaare Khayre iyo wafdigiisa kusoo dhaweeyay garoonka diyaaradaha Garoowe, waxaana intaa kadib Ra’iisal wasaaraha iyo wefdiga la socday loo galbiyay barxadda Garoowe oo uu kula hadlay kummannaan ruux oo isugu soo baxay soo dhawayntiisa.

Ra’iisal Wasaare Xasan Cali Khayre ayaa madaxda iyo bulshada dawlad gobaleedka Puntland ayaa uga mahad-celiyay soo dhaweynta ballaadhan ee loo sameeyay isaga oo ku ammaanay doorka wanaagsan ee ay ku leeyihiin nabadeynta, midaynta iyo horumarinta deegaanka iyo guud ahaan dalka Soomaaliya. Ra’iisal Wasaare Khayre ayaa maalmaha uu ku suganyahay Puntland waxa uu ka qayb gelayaa Munaasabadda 20 sano guurada kasoo wareegtay aasaaska maamulka Puntland, isaga oo kulamo la qaadanaya madaxda Puntland iyo bulshada qaybaheeda kala duwan” ayaa lagu qoraal saxaafadeedka kasoo baxayXafiiska Warbaahinta iyo xidhiidhka Ra’iisal Wasaaraha Soomaaliya ee Muqdisho.

Dhinaca kale Warar dheeraad ah oo shebekadda Araweelo News Network heshay, ayaa sheegaya in Ra’iisal Wasaare Khayre wado qorshe la doonayo in Ciidamadda dhowaan dawladda Turkigu u tababartay Soomaaliya la geeyo Garoowe, iyadoo malayshiyaadka ku sugan Garoowe lagu xeraynayo xeryo tababar oo dawladdaha Turkiga iyo Qadar hawshooda la wareegayaan.

 

Qorshahaa oo qayb ka ah tababaradii dhanka ciidamadda ee dawladda Turkigu hore uga waday Soomaaliya oo xiligan lagu  ballaadhinayo maamul goboleedyada Soomaaliya, kuwaas oo hore uga caga jiiday in ay keenaan Saamiyada laga siiyay, balse shirkii dhowaan ka dhacay Baydhabo ee lagaga hadlayay Arrimaha amniga oo ka wada qaybgaleen maamul goboleedyada Soomaaliya, ayaa lagu heshiiyay in la dhamaystiro malayshiyaadka laga doonayay maamul giboleed walba si dawladda Turkigu u sii wado qorshaha ay ku doonayay in Soomaaliya loo sameeyo ciidamo, taas oo xiligan dawladda Turkiga ay ku weheliso dawladda Qadar oo labadooduba kasoo horjeedaa xulufada Sucuudiga iyo Imaaraadka oo ku loolamaya  mandaqada Geeska Afrika Iyo geyiga Soomaalida.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp