Telesom Dahabshiil
Published On: Wed, Mar 29th, 2017

Saddexda Xisbi Qaran Ee KULMIYE, WADDANI iyo UCID Oo Soo Dhoweeyay Natiijada Hordhaca Ee Diiwaangelinta Iyo Jadwalka Komishanka

Araweelo News Network

Hargeysa(ANN)-Saddexda xisbi qaran ee KULMIYE, WADDANI iyo UCID, ayaa soo dhaweeyey natiijada hordhaca ee laga soo saaray diwaangelinta codbixiyeyaasha, waxayna tilmaameen inay Guddida Doorashooyinka kala shaqaynayaan sidii kaadhadhka codbixiyeyaasha loogu qaybin lahaa dad muwaadiniinta ah.
Dhinaca kale, Komishanka Doorashooyinku waxay ku dhawaaqeen qorshe ay u dejiyeen qaybinta kaadhadhka codbixiyayaasha is-diiwaangeliyey oo ay ugu tallogaleen inay ku bixiyaan saddex weji gobollada waddanka oo dhan.
War-saxaafadeed Guddiga Doorashooyinku ku shaaciyey qorshahooda jadwalka kaadh-qaybinta waxay ku sheegeen in wejiga ugu horreeya ka bilaabi doono gobollada Awdal, Saaxil iyo qaybo ka mid ah Sanaag dabayaaqada bisha April ee soo socota, “Kaadh-qaybintu waxay yeelanaysaa saddex weji oo kala dambeeya, iyadoo wejigii walba laba gobol ay mar ka wada bilaaban doonto kaadh-qaybintu.
Ugu horrayn, wejiga Koowaad ee hawsha kaadh-qaybintu waxay mar ka wada bilaabanaysa labada Gobol ee kala ah; Awdal iyo Saaxil iyo goobaha xeebaha ah ee Sanaag, maadaama saddexdaas Gobol ay xeebo leeyihiin, annagoo xeerinayna cimilada goobaha xeebaha dartood.
Wejiga Labaad; Waxa kaadhadhka codbixiyayaasha loo qaybin doona Gobollada Maroodi-Jeex iyo Togdheer.
Wejiga Saddexaad; Waxa lagu dhammaystiri doona kaadh-qaybinta codbixiyayaasha ee Gobollada Sool iyo Sanaag.
Haddaba, wejiga kowaad ee Gobollada Awdal iyo Saaxil iyo Goobaha xeebaha ah ee Gobolka Saanaag waxay qaybinta kaadhadhka codbixiyaashu ka bilaabmaysa bisha April 29, 2017, iyadoo wejiga labaad iyo kan saddexaad ay kaadh-qaybintu bilaaban doonto bisha baraykasan ee Ramadaan ka bacdi.
Waxaan Alle ka baryeynaa in geeddi-socodka doorashooyinka Qaranka inoogu dhammaystiro si nabadgelyo leh oo guul ah,” ayaa lagu yidhi war-saxaafadeedkaasi.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp