Share this:

" />
Published On: Sat, Mar 16th, 2019

Somalia; Madaxweyneha Djibouti Oo Marti U Noqday Magaaladda Muqdisho Ee Qaraxyada Iyo Dilalka Caanka Ku Noqotay

Smiley face

Maxay Ka Wada Hadleen Labada Madaxweyne  ee Farmaajo iyo Geelle?

Muqdisho(ANN)- Madaxweynaha Dalka Djibouti,  Ismaaciil Cumar Geelle, ayaa gaadhay magaalada Muqdisho ee xarunta dawladda Federaalka Soomaaliya, halkaas oo si ballaadhan loogu soo dhoweeyay maanta.

Madaxweynaha Soomaaliya Maxamed Cabdullaahi Farmaajo iyo Madaxweynaha  Djibouti Ismaciil Cumar Geele  Muqdisho 16 March 2019, sawirka VILLA Somalia.
Madaxweynaha Soomaaliya Maxamed Cabdullaahi Farmaajo iyo Madaxweynaha Djibouti Ismaciil Cumar Geele Muqdisho 16 March 2019, sawirka VILLA Somalia.

Madaxweyne Geelle  oo ay wehliyaan qaar ka mid ah xubnaha wasiiradiisa,  ayaa kulan la yeeshay Madaxweynaha Dawladda Federaalka ah ee Soomaaliya , Maxamed Cabdullaahi Farmaajo, Ra’iisal Wasaare Khayre iyo sidoo kale ku xigeenka ra’iisal wasaaraha iyo xubno kale oo dawladda Federaalka ah.

Kulanka labada Madaxweyne ee Soomaaliya iyo Djibouti, oo ay ku wheliyeen masuuliyiin labada dhinac ah, ayaa ka dhacay xarunta Villa Soomaaliya ee Muqdisho.

Madaxtooyadda Soomaaliya, ayaa ka hadashay booqashada Madaxweynaha Dalka Djibouti, Ismaaciil Cumar Geelle oo ay ku macneeyeen mid lagaga hadlay xoojinta xidhiidhka labada waddan, la dagaalka ka dhanka ah Al-shabaab iyo arrimo kale oo khuseeya xidhiidhka labada dal,

Madaxweynaha Somaaliya Farmajo iyo Ra'isal wasaare Kheyre oo kulan la yeeshay Madaxweynaha Djibouti Ismaaciil Cumar Geelle 16 March 2019, Villa Somalia Muqdisho
Madaxweynaha Somaaliya Farmajo iyo Ra’isal wasaare Kheyre oo kulan la yeeshay Madaxweynaha Djibouti Ismaaciil Cumar Geelle 16 March 2019, Villa Somalia Muqdisho

“kulankan,  waa kulan taariikhi ah oo ka tarjumaya xidhiidhka labada dal iyo labada dad ee walaalaha ah,wuxuuna xoojinnayaa iskaashiga dhaqaalaha iyo wax wada qabsiga, arrinta ugu muhiimsanna, waa arrinta Amniga ee la dagaallanka qolooyinka argagixisada ah oo Madaxweynaha Djibouti hoggaamiyo, waana ku ammaananyahay” ayuu yirdhi, Madaxweyne Farmaajo oo ka hadlay  kulanka Madaxweyne Geelle ku dhexmaray Villa Somalia

Dhinaca kale Madaxweyne Ismaaciil Cumar Geelle, ayaa yidhi, “Dadweynaheennana waxay jecel yihiin inaan iskaashiga sii kordhino, dhib iyo dheefba inaan isku duubnaanno, annaguna had iyo jeer wehel Ayaan idiin nahay” ayuu yidhi, Madaxweyne Geelle.

Madaxweyne Ismaaciil Cumar Geelle oo booqashada uu ku tegey maanta magaalada Muqdisho muddo laba maalmood ah qaadanay, ayaa noqonaya Madaxweyihii u horreeyay ee wixii ka danbeeyay burburkii Soomaaliya inta la ogyahay u hoyda magaalada Muqdisho oo xarun u ah qaraxyada iyo weerrarada Al-shabaab, waxaana si weyn loo adkeeyay amaanka,  waxa la sheegay in Madaxweyne Geelle xadhiga ka jarayo mudada uu halkaa joogo dhismaha safaarada dalkiisa, sidoo kale waxa la filayaa inuu booqdo xarunta ciidamadda nabad ilaalinta u jooga Soomaaliya ee  AMISOM, oo Djibouti qayb ka tahay.

Madaxweynaha Djibouti Ismaciil Cumar Geele iyo xubnaha dawladdiisa ee la socda, oo muqdisho kula lulamy madaxda Soomaaliya, 16 March 2019, sawirka VILLA Somalia.
Madaxweynaha Djibouti Ismaciil Cumar Geele iyo xubnaha dawladdiisa ee la socda, oo muqdisho kula lulamy madaxda Soomaaliya, 16 March 2019, sawirka VILLA Somalia.

Xubnaha wafdiga Maxweyne Geelle waxaa ka mid ah Xildhibaanno, Wasiirro iyo la taliyeyaal ,fannaaniin caan ah oo ay dalka Soomaaliya ugu dambeysay tani iyo marki ay dhacday dowladdi Maxamed Siyaad Barre 1991-kii, kuwaas oo ay ka mid yihiin Xasan Aadan Samatar iyo Axmed Cali Cigaal oo uu wehliyo fannaanka  reer Djibouti, Cawaale Aadan.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp