Share this:

" />
Published On: Thu, Apr 25th, 2019

#Somaliland: BASHAIER PLAZA: Huteel Casri Ah Oo Laga Furay Masallaha Hargeysa, Adeegyo Uu Soo Kordhiyay Iyo Ballanqaadka Bulshada

Smiley face

Hargeysa(ANN)-Guddoomiyaha Rugta Ganacsiga Somaliland, ayaa xadhigga ka jaray Huteel casri ah oo magiciisa la yidhaahdo BASHAIER PLAZA, kaas oo laga furay Xaafadda Masallaha ee Koonfurta magaalada Hargeysa.

ka qaybgalayaasha Huteelka BASHAIER PLAZA. ee Hargeysa 25 April 2019
ka qaybgalayaasha Huteelka BASHAIER PLAZA. ee Hargeysa 25 April 2019

Munaasibad loo sameeyey furitaanka Huteelkan casriga ah, ayaa khamiistii maanta lagu qabtay xarunta Huteelkaas, waxaana ka qaybgalay Masuuliyiin kala duwan, Ganacsato, Mudan iyo Marti-sharaf kale, kuwaas oo dhammaan Qoyska Huteelkan hirgeliyey ugu duceeyey in Illaahay u barakeeyo, iyagoo sidoo kale uga mahad-celiyey Maalgashiga iyo shaqo-abuurka ay dalka ka sameeyeen iyo bilicda Huteelka oo wax weyn ka taraya goobta laga dhisay iyo muuqaalka guud ee caasimada koraysa ee sii ballaadhanay.

Guddoomiyaha Rugta Ganacsiga Somaliland, Jamaal Caydiid oo xadhiga ka jaray Huteelka BASHAIER PLAZA. ee Hargeysa 25 April 2019
Guddoomiyaha Rugta Ganacsiga Somaliland, Jamaal Caydiid oo xadhiga ka jaray Huteelka BASHAIER PLAZA. ee Hargeysa 25 April 2019 Araweelo News Network

“Waxaan u mahad-naqayaa marti-sharafta ka soo qaybgashay munaasibaddan quruxda badan ee lagu furayo Huteelkan casriga ah iyo Qoyska sameeyey Huteelkan quruxda iyo bilicda leh..” sidaa waxa tidhi Haweenay ku hadlaysay afka Dumarka ka qaybgalay Munaasibaddaas.

Maxamed Caddaani Xayd oo ah Mulkiilaha Huteelkaas casriga ah ee BASHAIER PLAZA oo Hargeysa laga furay 25 April 2019, Araweelo News Network
, Maxamed Caddaani Xayd oo ah Mulkiilaha Huteelkaas casriga ah ee BASHAIER PLAZA oo Hargeysa laga furay 25 April 2019 Araweelo News Network

“Waxaan leeyahay illaahay ha barakeeyo Huteelkan quruxda badan ee aynu furitaankiisa u joogno. Waan idiinka mahad-celinaynaa maalgashiga quruxda badan iyo shaqo-abuurka aad samayseen ee Allaah ganacsigii barakooba haka dhigo.” Sidaana waxa yidhi mid ka mid ah Odayaasha ka qaybgalay xafladda furitaanka Huteelka BASHAIER PLAZA.

Masuul isna ku hadlay afka Huteelka, ayaa sheegay in Huteelkaasi loo diyaariyey goobo amma Hoolal u gaar ah Xafladaha kala duwan, balse qaab casri ah oo aan Muusik lahayn loogu qaban doono Munaasibadaha kuwa aroosyadu ka midka yihiin, waxaanu yidhi; “Waxyaabaha loo sameeyey Huteelkan waxaa ka mid ah Xafladaha Aroosyada, ninkii mid labaad hollanaya iyo kii inankiisa keenayoow waa idiin furan yahay, maalmaha Ciiddana waa free (lacag la’aan).”

Guddoomiyaha Rugta Ganacsiga Somaliland Jamaal Caydiid Ibraahin, ayaa halkaas ka hadlay, isla markaana soo dhaweeyey Huteelkan ku soo biiray bahda ganacsatada Somaliland, waxaanu yidhi; “Huteelkan sida wacan loo dhisay loona bilay, anigoo ku furanaya magaca ganacsatada, waxaan ku furayaa in Illaahay u barakeeyo ciddii maalgelisay. Magaca loo bixiyey waa BASHAIER PLAZA. Maxamed Caddaani iyo Hibo (Qoyska Huteelka sameeyey), waxa la innaga rabaa inaynu ugu ducayno in Illaahay meherad khayr qabta uga dhigo, una barakeeyo.”

Maxamed Caddaani Xayd oo ah Mulkiilaha Huteelkaas casriga ah aasaasay, ayaa halkaas ka hadlay, waxaanu u mahad-celiyey Mudanta iyo Marti-sharafta ka qaybgalay munaasibadda lagu furayey Huteelkaas, waxaanu ka warramay adeegyada Huteelku bixin doono amma laga heli doono.

Maxamed Caddaanni oo sharraxaya Huteelka adeeggiisa waxa uu yidhi; “Waxaan u mahad-celinayaa Dadkan sharafta leh ee soo ajiibay dalabkii iyo marti-qaadkii aan u geeyey. Mar labaadka waxaan idiin sheegayaa adeegga lagu qabanayaa waa xafladaha oo dhan, waxa ka mamnuuc ah Muusiga. Qaybaha Huteelku way qalabaysan yihiin, Qoyskii doonaa wuu imanayaa wuu degayaa, wax uu soo qaadanayaa ma jirto, malqaacadda iyo fandhaalkuba wuu u yaallaa.”

“Cuntooyinka waxaa ka mid ah Caano Geel oo fireesh ah, Cuntooyin macaan oo kale waad ka helaysaa, hawo caafimaad oo macaanna waad ka heli doontaan oo meesha waad ogtihiin oo waa Masallihii Hargeysa ee ugu hawada fiicnaa.” Sidaa ayuu yidhi Mulkiilaha Huteelka BASHAIER PLAZA Maxamed Caddaani Xayd.

Huteelkan cusub ee BASHAIER PLAZA, ayaa ka mid noqon doona Huteellada casriga ah ee ka jira caasimadda Somaliland ee Hargeysa, isla markaana waxa uu kaga duwanaan doonaa huteellada kale in xafladaha lagu qabanayaa aanay yeelan doonin wax Muusig ah, waxaana laga heli doonaa adeegyo, Jiif, Cunto fiican iyo degganaansho-ba, iyadoo deegaanka Masallaha ee Koonfurta Magaalada Hargeysa oo ah goob ku habboon oo dhanka hawada iyo saxada ka duwan meelaha looga furi jiray Huteelada Hargeysa oo saxmad iyo sawaxan badan, balse barxada jooga sare ee Masallaha waxay sheegeen inay u doorteen neecawda iyo hawada fiican ee ka dhacda oo ku haboon in ay Huteelkaa oo dhaqaale badan ku baxay ka furaan.

Halkan hoose ka Daawo Muuqaalkan Xafladda lagu furay Huteelkan cusub:-

Guddoomiyaha Rugta Ganacsiga Somaliland, Jamaal Caydiid oo xadhiga ka jaray Huteelka BASHAIER PLAZA. ee Hargeysa 25 April 2019.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp