Telesom Dahabshiil
Published On: Thu, Dec 31st, 2020

Somaliland: Guddida Wanaag-farista Oo La Dagaalamaya Xafladaha Ay Lamaanayaashu Qabsadaan

Araweelo News Network.

 

#Somaliland: Guddida Wanaag-farista Oo La Dagaalamaya Xafladaha Ay Lamaanayaashu Qabsadaan

Hargeysa (ANN) – Guddida Wanaag-farista iyo Xumaan reebista Somaliland, ayaa ka hadlay waxyaabo ay qabteen oo   dhaqan-xumo ay sheegeen inay dalka ku soo kordhayaan.

Guddida ayaa  Bulshada Somaliland uga digay  inay ku kacaan wax kasta oo lid ku ah dinta iyo dhaqanka suubaan ee Islaamka.

Barre Carab Cabdullahi oo ah Guddoomiyaha Guddida wanaag-farista iyo xumaan reebista ee Degmada 26 june, ayaa ka hadlay dhaqan-xumada iyo waxyaabaha ay ka qabteen, wuxuuna isagoo arrintaa ka hadlaya yidhi, “Waxaynu nahay dad islaam ah oo ILLAAHAY karamaayey, sidaas darteed haddii aynu nahay umadda Nebi Muxamed nabadgalyo iyo naxariisi korkiisa ha ahaatee ummadaha kale waxaynu kaga fadli badan nahay, wanaagana waynu is farnaa, xumaantana waynu iska reebnaa, sidaas awgeed haddii aannu nahay Guddida wanaag farista iyo xumaan reebista ee Gobolka Maroodi-jeex iyo Degmada 26-june ba, wax badan oo diinteena iyo dhaqankeena lid ku ah ayaanu wax ka qabanay, waxaana ka mid ah in aanu wax ka qabanay isla joogta habeenkii meelahaas isla jooga ee u badan dhalinyarada, oo isugu jira habalaha iyo inamada, kuwaas oo aan Allah isku banayn,waxaanu sidoo kale wax ka qabanay dad iyagu ku kacay dhaqan xumo siday doonaan ha ugu kacaane, sidaas darteed waxaa la inooga baahan yahay inaynu aad iskaga ilaalino wax kasta oo lidi ku ah diinteena iyo dhaqankeena”.

 

Sidoo kale, Maxamed Ibraahim Dhimbiil, oo  ka tirsan Guddida wanaag farista iyo xumaan reebista Somaliland gaar ahaan Degmada Darasalaam ee Hargeysa, ayaa isna isagoo ka hadlay waxyaabaha dhaqan xumada ee dalku ku soo kordhaya ayuu yidhi “Waxaa jira hadda in marka guur dhacayo, ama wiil iyo gabadh ay is guursanayaan, oo meherkoodu dhacayo in meherka ka hor, la sii qabsado xaflado, xafladdaas oo ah xaflado diinta ka hor imanaya, oo halkaas macsi iyo dambi ayaa ka dhalanaya, xaflado badan oo sidaas oo kale ah ayaanu baa’biinay, oo xitaa dadkii ku kacay dhaqan xumadaas waanu xidhnay, oo sharci ayaanu la tiigsanay, kolay hadda xafladahani way yaraadeen, sidaas oo ay tahay meel kasta oo ay ka jiraan inaynu oggolaano maaha, ee waa inaynu diinteena ilaashana”

 

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp