TelesomDahabshiil
Published On: Thu, May 4th, 2017

Somaliland: Hanti-dhawrka Qaranka Oo Caddeeyay In Aan loo Naxariisan Doonin Cidda Lagu Qabto Falal Musuqmaasuq ah

Araweelo News Network

Hargeysa(ANN)- Hantidhawrka Guud ee Qaranka Somaliland, ayaa shaaciyey inuu bilaabay baadhitaanno la xidhiidha lunsiga hantida qaranka, isla markaana aan loo naxariisan doonin cidda lagu qabto falal musuqmaasuq ah.
Madaxweynaha Jamhuuriyadda Somaliland Axmed Maxamed Siilaanyo ayaa kulan uu toddobaadkan la yeeshay masuuliyiinta hay’adaha Hantidhawrka Qaranka, Xeer-ilaalinta iyo Komishanka Maamul-wanaagga dawladda ku amray inay xoojiyaan ilaalinta hantida dawladda si aan lunsi u dhicin waqtiga kala guurka ee doorashada Madaxtooyadu dhacayso.
Haddaba, Hantidhawraha Guud ee Qaranka Md. Maxamuud Aw Cabdi Ibraahim, ayaa shaaca ka qaaday inay bilaabeen baadhitaanno xoog ah ku saabsan musuqmaasuq oo ay ku samaynayaan dhammaan xafiisyada dawladda.
“Madaxweynaha Somaliland wuxuu amar ku bixiyey in la bilaabo, lana wanaajiyo maamulka xisaabaadka dawladda, isla markaana la baadho oo laga warbixiyo heerka ay marayaan xisaabaadka dawladdu iyo sida ay yihiin, haddaba, annagoo fulinayna amarkaa guud ee Madaxweynuhu soo saaray ayaa waxaannu bilownay baadhitaanno ka xoog badan, kana xawaare badan doona baadhisahaanu hore u samayn jirnay, taas oo ku wajahan dhammaan maamullada kala duwan ee dawladda.
Madaxweynuhu soo jeediyey in la dardargeliyo ilaalinta hantida qaranka, la dardargeliyo nidaamka xisaabaadku in aannu xumaanin, in xisaabaadka qaranku u socdaan sidii loogu talogalay ee shuruucda waddanku tilmaamaysay, sidaas darteed annagoo ku soconna amarka uu soo jeediyey Madaxweynaha Qaranku waxaannu dhankayaga ka bilownay in aannu xoojinno baadhista,” ayuu yidhi Hantidhawr Maxamuud Aw Cabdi oo u warramay telefishanka madaxbannaan ee Bulshotv.
Sidoo kale, Agaasimaha Waaxda Baadhista iyo Maamulka ee Hantidhawrka Guud Mr. Cali Sheekh Maxamed Axmed, ayaa isna u sheegay telefishanka in baadhitaankoodu yahay mid xaqiiq ah oo lagu ilaalinayo hantida qaranka, isagoo baaq ku saabsan shaqadooda u diray shacabka iyo masuuliyiinta xilalka haya, waxaannu yidhi, “Dadkeennu waxay dhaqan u leeyihiin hadallo barobagaadho ah oo inta badan dadka lagu warwargeliyo oo la sheego in hantida Qaranka la lunsado, xafiiskan Hantidhawrka Guud ee Qaranka iyo xukuumadda hadda jirta ee uu gadhwadeenka ka yahay Madaxweyne Siilaanyo waxa ka go’an in lala dagaallamo musuqmaasuqa, bulshada waxaan ka codsanayaa laga helo taageero, gacan-siin si haddii uu musuq jiraba loo tirtiro waxa la yidhaa musuqmaasuqa oo ah wax qaranka ragaadiya ama haddii ummaddi ku kacdo aanay yeelan karin horumar dhaqan-dhaqaale iyo kobac kale midnaba. Sidaasi darteed, qof kasta oo ku hamiyaya inuu hanti qaran meel uun ka helow waxaannu ku leenahay ishu way ku haysaa, laguu niximaayo oo laguu damqanmaayo.”

About the Author

- #Arraale Mohamoud Jama is a freelance and investigative journalist, writer and human rights activist with more than 20 years of experience. He writes about a range of topics related to social issues such as human rights, politics and security. Other topics in which Mr. Arraale is interested include democracy and good governance. Mr. Arraale has written extensively on regional and international events, and has worked with Somaliland newspapers and Human rights organizations. In 2008, he established #Araweelo #News #website# Network, which he currently manages. For further information, please contact: Info@araweelonews.com or jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face<Smiley face noradin-schools---alikhwa