TelesomDahabshiil
Published On: Wed, Jan 29th, 2020

Somaliland: Ku-Xigeenka Ergeyga Khaaska Ah Ee Xoghayaha Guud Ee Qaramada Midoobay Iyo Ujeedada Booqashadiisa Saddexda Maalmood Ee Hargeysa

Hargeysa (ANN)–Ku-xigeenka Ergayga khaaska ah ee Xoghayaha guud ee Qaramada Midoobay u qaabilsan arrimaha Soomaalida Adam Abdelmoula, ayaa booqasho ku yimi Somaliland, isla markaana kulamo la yeeshay Masuuliyiinta Xukuumadda Somaliland.

Qoraal saxaafadeed kasoo baxay Xafiiska Qaramada Midoobay ee Hargeysa oo nuqul ka mid ah soo gaadhay Shebekadda Araweelo News Network, ayaa u dhignaa sidan:-

“Md. Adam Abdelmoula oo ah sarkaal sare oo ka tirsan Qaramada Midoobay ayaa booqasho ku yimid Somaliland 27kii ilaa 29kii January isagoo kulano la qaatay xukuumadda kuwaas oo ku saabsan arrimaha bani’aadanimada iyo hadafyada mudnaanta u ah horumarinta Somaliland. Wuxu sidoo kale kulano la mid ah la qaatay hay’adaha aan dawliga ahayn iyo kuwa Qaramada Midoobay. Adam wuxu ka shaqayn jiray Hargeysa muddadii u dhaxaysay 1999 ilaa 2002 hase ahaatee safarkani waa kiisii ugu horreeyey tan iyo intii dhammaadkii sannadkii hore loo magacaabay Ku-Xigeenka Ergeyga Gaarka ah ee Xoghayaha Guud ee Qaramada Midoobay ahna Isu-duwaha Hay’adaha Qaramada Midoobay iyo Isu-duwaha Arrimaha Bani’aadanimo.

Md. Adam Abdelmoula madaxda sare ee dawladda ee uu la kulmay waxa ka mid ahaa Madaxweyne-Xigeenka Somaliland Md. Cabdiraxmaan Cabdillaahi Ismaaciil “Saylici”. Md. Abdelmoula wuxu hadalkiisa awoodda ku saaray sidii wax looga qaban lahaa caqabadaha muddada dheer soo taagnaa: “Waxaynu og nahay in Somaliland iyo deegaanada ku hareeraysan ay saameeyeen Abaaraha soo noq-noqday iyo barakaca bulshadu” ayuu yidhi Adam.

Sidoo kale, wuxuu ka hadlay dhibaatooyinka iyo sida looga gaashaaman-karo, isagoo yidhi, “Maaha taasi wax lala yaabi karo, laakiin waxa ka dhashay dhibaatooyin soo taxnaa ku dhawaad 20-kii sannadood ee u dambeeyey, taasina waxay innoo sheegaysaa in aynu u baahan nahay in aynu la nidaamno qaabab cusub oo aynu dhibaatooyinkaa wax kaga qabanayno.”

AKHRI: Waajibaadka Xafiiska Q. Midoobay Ee Cusub, Qorshayaasha Iyo Ujeedooyinka Uu Fulinayo Ee Khilaafsan Qadiyada Iyo Madaxbanaanida Somaliland, Warbixin: By. Carraale M. Jama

Kadib kulan uu Ku-Xigeenka Ergeyga Gaarka ah ee Xoghayaha Guud ee Qaramada Midoobay la qaatay Wasiirka Qorshaynta iyo Horumarinta Qaranka Md. Xasan Maxamed Cali “Gaafaadhi” wuxu yidhi, “Waxan rajaynayaa in aan dhakhso u soo noqdo oo aan kulano iyo falanqayn intan ka qoto dheer la yeesho Xukuumadda oo aanu ka wada shaqayno arrimaha horumarinta, iyadoo aannu hadda ku gudo jirno diyaarinta Hannaanka Wada-shaqaynta Qaramada Midoobay”.

Intii uu joogay Hargeysa, Md. Abdelmoula wuxu sidoo kale booqday mashaariic ay wadaan UNHCR, UNFPA iyo IOM.

-Dhammaad-

Wixii faahfaahin ah kala xidhiidh Olga Cherevko: cherevko-barrett@un.org ama Mustafe Khaire: Mustafe.khaire@one.un.org

AKHRI: Ujeedada Xafiiska UNSOM Iyo Awoodaha Uu Leeyahay

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp