Araweelo News Network.
#Somaliland: Madaxweyne Biixi Oo Dardaaray Shacbiga
Hargeysa(ANN)-Madaxweynaha Jamhuuriyadda Somaliland, Muuse Biixi Cabdi, ayaa shacabka ku hanbalyeeyay curashada bisha barakaysan ee ramadaan oo inta badan caawa oo ku beegan 1 bisha sagaalaad ee Islaamka Hijra, 1442. taariikhada miilaadigana kaga beegan oo bilaabmaysa habeenka Arbaca 2021.
Madaxweynahe Biixi, wuxuu shacbiga Somaliland meel ay joogaanba iyo guud ahaan shucuubta Islaamka ku hambalyeeyay curashada bisha barakaysan ee Ramadaan oo caawa kaw ah.
Sidaana waxa lagu sheegay dhanbaal hanbalyo ah oo Madaxweynaha Somaliland Muuse Biixi ugu talagalay munaasibadan, wuxuuna ummadda Islaamka iyo shacabka reer Somaliland-ba u rajeeyey inuu Eebbe ku sugo khayraadka iyo xasanaadka bishan barakaysani ay xambaarsan tahay, isaga oo u rajeeyey inay wanaag iyo khayr ku gaadhaan bishan bisheeda, isagoo Allah uga baryay inuu ka dulqaado xannuunadan aduunka saameeyey iyo abaaraha soo noq-noqday, ummadda reer Somaliland iyo dalalka Islaamkaba.
Madaxweynaha Somaliland, wuxuu bulshada u rajeeyayin Allah bash-bash iyo barwaaqo ku gaadhsiiyo sanadkan sannadkiisa, “Allah waxaan uga baryayaa dambi-dhaaf, adduunyo iyo aakhiro inuu inagu simo, wixii dhibaatooyin ahna ummadda ka dul qaado.” ayuu yidhi.
Sidoo kale, Madaxweynuhu waxa uu ummadda reer Somaliland kula dar-daarmay inay ka faa’iidaystaan khayrka bishan barakaysan ee Ramadaan, kuna ddaalaan cibaadada islamarkaana ay noqdaan kuwo dhexdooda ay gasho cafis, iyo is-jacayl, isagoo ku adkeeyay inay qaataan amarada guddida heer qaran ee u diyaar garawga iyo ka-hor-tagga xanuunka COVID-19 iyo talooyinka caafimaadka.
Ugu danbayntii waxa uu madaxweynuhu u ducaynayaa inta bukta ee u jiifta xanuunada inuu eebbe ka dulqaado, intii dhimatay ee aan soo gaadhin bishan barakaysana u danbi dhaafo, una naxariisto. Waxaanu madaxweynuhu rabbi uga rajaynayaa shacabka Jamhuuriyada Somaliland inay bishan bisheeda ku gaadhaan bash-bash iyo barwaaqo.
Araweelo News Network.
info@araweelonews.com
