Share this:

" />
Published On: Mon, Apr 9th, 2018

Somaliland: Madaxweyne Muuse Biixi Oo Kulan La Qaatay Xubnaha Guddida Doorashooyinka Qaranka

Smiley face

Araweelo News Network

WAR-SAXAAFADEED

Hargeysa(ANN)-Madaxweynaha Jamhuuriyadda Somaliland, Mudane Muuse Biixi Cabdi, ayaa kulan gaar ah maanta xafiiskiisa kula yeeshay xubnaha guddida komishanka doorashooyinka qaranka Somaliland.

Kulanka uu madaxweynuhu la yeeshay xubnaha guddida doorashooyinka qaranka oo uu ku wehelinayey madaxweyne-ku-xigeenka Jamhuuriyadda Somaliland, Mudane Cabdiraxmaan Cabdilaahi Ismaaciil (Saylici), ayaa lagaga wada-hadlay arrimo door ah oo salka ku haya dardar-gelinta hawlaha doorashooyinka ee dalka kusoo foolka leh, dhammaystirka caqabadaha jira, iyo sidii xukuumad iyo komishanba isku-duubni loogu diyaar garoobi lahaa doorashooyinkaas.

Xubnaha guddida doorashooyinka qaranka, ayaa madaxweynaha uga war-bixiyey halka ay hawlahoodu marayaan iyo horumarka ay ku tallaabsadeen, iyaga oo madaxweynaha uga mahad-celiyey muhiimadda gaarka ah ee uu hawlaha doorashooyinka siinayo iyo sida ay madaxweyne ahaan uga go’an tahay inaanay doorashooyinka wakiillada iyo dawladaha hoose dib uga dhicin waqtiga ay qorshaysan yihiin.

Sidoo kale, xubnaha guddida doorashooyinka qaranku waxa ay madaxweynaha u xaqiijiyeen inay ku rajo weyn yihiin in doorashooyinka wakiillada iyo dawladaha hoose ee sanadka soo socda qorshaysani waqtigooda ku dhacaan, maadaama oo ay haystaan taageerada madaxweynaha qaranka, isla markaana ay qaadhaan-bixiyayaasha Somaliland ka taageera dhinaca doorashooyinka wixii dhinacooda kaga aaddan qabsoomidda doorashooyinkaas.

Madaxweynaha, ayaa dhinaciisa uga mahadnaqay xubnaha doorashooyinka dedaalka ay wadaan, waxaana uu hortooda ka caddeeyey inay madaxweyne ahaan ka go’an tahay sidii ay doorashooyinka dalka kusoo foolka leh waqtigooda uga qabsoomi lahaayeen, isla markaana uu diyaar la yahay wixii dhinaciisa looga baahdo si ay doorashooyinkaasi u qabsoomi lahaayeen.

Kulankan oo daba socday kulamo hore oo madaxweynuhu la yeesho xubnaha guddida doorashooyinka qaranka, ayaa kusoo dhammaaday jawi is af-garad, waxaana ay labada dhinac isla garteen in wada-jir looga shaqeeyo sidii doorashooyinka goleyaasha deegaanka iyo wakiilladu u qabsoomi lahaayeen xilligii loo asteeyey.

ALLAA MAHAD LEH

Maxamuud Warsame Jaamac
Af-hayeenka Madaxweynaha JSL.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Smiley face Smiley faceSmiley faceSmiley face Smiley face Smiley face Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp