Share this:

" />
Telesom Dahabshiil
Published On: Sat, Dec 21st, 2019

Somaliland Oo Guddi Xanbaarsan Taakulo Boqolaal Ku Oo Dollar Ah U Dirtay Soomaaliya


Hargeysa(ANN)-Xukuumadda Somaliland ayaa maanta Wefdi ah u dirtay magaalada Muqdisho, kuwaasi oo sida in ka badan lix boqol oo kun oo dollar ($600,000) oo ay ugu talo-galeen fatahaadihii sannadkan ku dhuftay magaalada Baladweyne.

Guddoomiyaha Rugta Ganacsiga Somaliland, jamaal Caydiid iyo Sheekh Maxamed Cali Geeddi, Araweelo News Network, 20 Desember 2019.
Guddoomiyaha Rugta Ganacsiga Somaliland, jamaal Caydiid iyo Sheekh Maxamed Cali Geeddi, Araweelo News Network, 20 Desember 2019.

Wefdiga oo maanta ka dhoofay Madaarka Caalamiga ah ee Egal International Airport ee Magaalada Hargeysa, ayaa warbaahinta la hadlay waxayna ka warameen Lacagta Taakulada ah ee ay geynaayaan Soomaaliya.
Guddoomiyaha Rugta Ganacsiga Somaliland Jamaal Caydiid, ayaa sheegay inay muddo Bil iyo Badh ah ay wadeen hawsha Ururinta Taakulaynta Bulshada Beledweyne ee dhowaan ay wayeelada gaadhsiiyeen Fataahada Webigu.
Jamaal Caydiid oo hoggaaminayaa guddidaa oo ay xubno ka yihiin Culamada Somaliland, wuxuu sheegay inay marka hore tegeyaan Magaalada Muqdisho, kadibna ay dhinca Magaalada Beledweyne u gudbinayaan caawimada ay sidaan, wuxuuna u mahad celiyay Madaxweynaha Somaliland, ganacsatada iyo Culimada Masaajidada oo uu sheegay inay qayb weyn ka qaateen sidii Takuladaa loo soo ururin lahaa.


“Soomaalidu meel walba ay joogto waysu gurnataa marka dhibaato dhacdo, horay inoogu soo gurnadeen inaguna aynu ugu gurmanay, Beledweyne waa markii labaad ee Somaliland gacan ka geysato, markii horeba Soomaaliya oo dhan ayaan u gurmanay, iyaguna way noo yimaadeen markii masiibooyinku inagu dhaceen. Maanta aduunka aanu sidnaa waa ($600,000) Lix Boqol oo kun oo Dollar, wax naga sii horeeyayna way jireen, intan aanu la daahnayna waa khayr, waxaana Allah ka baryaynaa sadaqadaa aynu isa siinayno in Allah inagaga xijaabo masiibooyinka dunida ka dhacaya.” ayuu yidhi, Guddoomiyaha Rugta Ganacsiga Somaliland, jamaal Caydiid oo hoggaaminaya guddidaa.


Sidoo kale, waxa hadal kooban halkaa ka jeediyay Sheekh Maxamed Cali Geeddi oo ka mid ah Culimada Somaliland ee qaybta ka ah guddidaa qaaday Taakulaynta, wuxuuna uga mahad celiyay cid kasta oo ka qayb qaadatay sidii taakuladaa loo soo ururun lahaa, wuxuuna Allah uga baryay in quluubta dadka uu isu soo jeediyo.

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp