TelesomDahabshiil
Published On: Mon, May 11th, 2020

Somaliland: Wasiirka Diinta Iyo Awqaafta Oo Kasoo Saaray Amar Sallaaddaha Jammaca Qaarkood Si Loo Xakameeyo COVID-19

Hargeysa(ANN)-Wasiirka Diinta iyo Awqaafta Somaliland Sheekh Khaliil Abdillaahi Axmed, ayaa sheegay in wixii ka danbeeya 12 May 2020, la joojiyay in masaajidada lagu tukado salaadaha Jammaca ah ee Taajudka iyo Taraawiixda.

Sh. Khaliil o ah Wasiirka Diinta iyo Awqaafta Somalialnd, wuxuu sidaa ka sheegay mar uu maanta gelinkii dambe oo ahayd Isniin 11-ka May 2020, shir jaraa’id ku qabtay xarunta wasaaradda ee magaalada Hargeysa.

Wasiir Khliil, wuxuu amray in la joojiyo sallaaddaha Taraawiixda ah ee Masaajiddada lagu tukado laga bilaabo 12-ka May iyo Salaadda Taajudka ee tobanka dambe ee bisha ramadaan la tukado, si loo yareeyo faafitaanka Sadhada xannnuunka Covid-19.

Sidoo kale, wuxuu amray inaan la samayn karin Citikaafka masaajiddada lagu itikaafi jiray, tobanka bisha Ramadaan ugu dambeeya, si looga hor-taggo loona yareeyo faafitaanka sadhada Covid-19 ee dunida saameeyey oo ku sii badanaya Somaliland, isla markaana maraya 43 Qof dadka laga helay ee ay dowladdu sheegtay, kuwaas oo shan ka mid ahi dhimasho yihiin.

Wasiirku, wuxuu kale oo amray in Culmida Iimaamyadu u sheegaan in salaadaha faralka ee Jammaca ah ee Masaajidada la kala fogaado, isla markaana ay xidhtaan dadku Gafuur-xidhka iyo gamaca-gashiga si loo yareeyo faafitaanka, isagoo xusay in wixii intaa ka danbeeya Wasaaraddu go’aan soo kasoo saari doonto xaaladda faafitaanka xannuunka si loo badbaadiyo dadka.

Halkan Ka Daawo Wasiir Khaliil oo ka hadlaya Arrimaha iyo awaamiirta kasoo baxay Wasaaradda Diinta iyo Awqaafta.

Wasaaradda Diinta iyo awqaafta, iyo guddiga ka hor-tagga Xanuunka ee heer Qaran ee Somaliland, ayaa hore u soo saaray go’aanno ay ku soo jeediyeen in la yareeyo salaadaha jama’a ah ee lagu tukado masaajiddada, taas oo aanay hirgelin ulimada masaajiddadu.

Hase-yeeshee, Musheekhda magaalada Berbera iyo Maamulka gobolka Saaxil, ayaa Axaddii isla qaatay in la joojiyo salaadda taraawiixda ah ee Masaajiddada lagu tukado, sidoo kale magaalada Boorama qaar ka mid ah Imaamyada Masaajiddada, ayaa maalmo ka hor joojiyey jama’a taraawiixda bisha ramadaan.

Madaxweynaha Somaliland, ayaa geestiisa, tiraba laba jeer si adag ula hadlay Culimada Dalka, oo uu u soo jeediyey inay Dadkooda u naxariistaan, isla markaana ay Culimadu is-weydiiyaan haddii dadku xanuunka u madho Cidda ay tukin doonaan.

Haye-yeeshee, weli qaar ka mid ah ulimada, ayaa ku adkaysanaya inay sii wadaan salaadaha jama’a ah iyo taraawiixda, xilli dunida islaamka iyo waddamada kale ee Muslimiintu ku nool yihiin wada xidheen masaajiddada si loo yareeyo sadhada xannuunka COVID-19, inkasta oo ay Culimo maanta Hargeysa Warbaahinta kula hadlay soo jeediyeen in la joojiyo Salaadaha Jamaca ah, gaar ahaan Salaadaha sunnaha ah ee Taraawiixda, Taajudka iyo Citikaafka tobanka dambe ee Ramadaan Masaajiddada loo gaaryeeli jiray.

About the Author

- #Arraale Mohamoud Jama is a freelance journalist and human rights activist with more than 20 years of experience as a professional journalist and human rights activist, as well as a writer and investigative journalist on a wide range of topics related to social issues, human rights, politics and security, economics, democracy, and good governance. He has written extensively on regional and international events, and has worked Somaliland newspapers, and Human rights organization. In 2008, he created the website #Araweelo #News #Network, and is based in Somaliland and is currently managing it; #Arraale is a specialist in investigating and reporting on human rights, democracy, security, and good governance issues. Contact: Info@araweelonews.com jaamac132@gmail.com Send an SMS or MMS to + 252 63 442 5380 whatsapp.com/ + 252 63 442 5380 /https://twitter.com/Araweelonews/https://www.facebook.com/Araweelonews/

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp