Share this:

" />
Telesom Dahabshiil
Published On: Thu, Apr 16th, 2020

Somaliland: Wasiirka Maaliyada Oo Sheegay Inay Hoos u dhacay Miisaaniyada Qaran Ee 2020

Hargeysa(ANN)-Wasiirka Wasaaradda Horumarinta Maaliyada, Dr. Sacad Cali Shire, ayaa sheegay in mala’awaalka miisaaniyad-sanadeedka qaran ee 2020, ay hoos u dhacayso, taas oo sida uu sheegay ay sabab u tahay caabuqa Coronavirus ee sida weyn u saameeyay dhammaan dhaqaalaha aduunka.

Dr. Sacad Cali Shire, ayaa sidaa ka sheegay shirkii golaha wasiirrada Jamhuuriyadda Somaliland oo uu shir-guddoominayey Madaxweynaha Jamhuuriyadda Somaliland, Muuse Biixi Cabdi.

Fadhiga golaha wasiirada ayaa maanta ku qabsoomay habka maqalka iyo muqaalka, iyadoo golaha wasiirradu shirka kaga qaybgaleen xafiisyadooda, sida lagu sheegay war qoraal ah oo kasoo baxay Madaxtooyadda Somaliland.

Arrintan ayaa qayb ka ah talooyinka caafimaad ee xannuunka Covid-19, lagaga hortegi karo, si looga feejignaado, iyada oo wasaaradda Is-gaadhsiinta iyo Tignoolajiyadda Somaliland soo diyaarisay habkan casriga ah ee shirku ku qabsoomay. Sida lagu sheegay qoraal saxaafadeedkaa oo nuqul ka mid ah soo gaadhay Shebekadda Araweelo News Network.

“kulankaa waxa lagaga arrinsaday xanuunka saf-mareenka ah ee Coronavirus (Covid 19) oo ah mid dunida aafeeyey, iyadoo xukuumadduna dedaal ugu jirto xakamaynta iyo ka hortagga xanuunkaasi sidii aanu dalka iyo bulshada ugu faafi lahayn, ayaa lagu yidhi war-saxaafadeedkaa oo uu ku saxeexnaa Af-hayeenka Madaxweynaha Somaliland, Maxamuud Warsame Jaamac.

Wasiirka horumarinta caafimaadka, Cumar Cali Cabdullaahi oo warbixin ka jeediyay shirka, ayaa sheegay inay ku jiraan dadaalka iyo u diyaargarawga  ka hor-tagga, iyadoo ay wasaarad ahaan kaashanayaan guddida heer qaran ee u diyaargarawga iyo ka hortagga xannuunka, isla markanaa ay xil weyn iska saareen badqabka bulshada.

 wuxuu sheegay in baadhitaanno lagu sameeyey dad looga shakiyey xannuunka, isagoo xusay tirada rasmiga ah ee xannuunka laga helayna ay tahay shantii qof ee horre loo shaaciyey, halka laba qof oo laga shakisan yahana jawaabta shaybaadhkooda la sugayo weli, sidoo kale waxa uu wasiirku xusay in gobol walba  iyo xuduuddaha dalka  ay ka hirgeliyeen goobo u gaara xannuunka oo ay ku sugan yihiin hawl-wadeenada Wasaaradda caafimaadku.

Sidoo kale, madaxweyne ku xigeenka Somaliland, isla markaana ah guddoomiyaha guddida heer qaran ee u diyaargarawga iyo ka hor-tagga xannuunka covid 19, Cabdiraxmaan Cabdullaahi Ismaaciil (Saylici), ayaa golaha warbixin ka siiyay hawsha ay wadaan, isagoo xusay inay hadh iyo habeen heegan ugu jiraan ka hor-tagga iyo diyaar garowga xannuunka Covid-19, iyagoo kaashanaya guddiyada gobolada iyo degmooyinka ilaa haddana si fiican ay hawshu ugu socoto, wuxuna tilmaamay madaxweyne ku xigeenku in ay socoto fulinta go’aamadii ay soo saareen. Sida lagu sheegay war-saxaafadeedka.

Dhinaca kale, wasiirka wasaaradda horumarinta maaliyada, Dr. Sacad Cali Shire  ayaa golaha warbixin ka siiyey saamaynta dhaqaale ee uu xannuunku ku yeeshay guud ahaan dhaqaalaha dunida, gaar ahaanna Somaliland, isagoo wasiirku caddeeyey in xannuunkani saameeyey mala’awaalka miisaaniyad-sanadeedka qaran ee 2020, sababina karo hoos u dhac dhaqaale, sidaa awgeed la tashiili doono miisaaniyada dalka, iyadoo dawladduna qorshe ka yeelan doonto  saamaynta dhaqaale ee xannuunkani bulshada ku keeni karo.ayaa lagu yidhi, qoraalka.

 Geba-gebadii, waxa goluhu isla qaateen  in la dardargeliyo baraarujinta iyo wacyigelinta bulshada ee xannuunka covid-19, iyagoo shacabka usoo jeediyey inay u hoggaansamaan awaamiirta guddida heer qaran ee covid 19  iyo talooyinka caafimaad ee la soo saaray, sida lagu sheegay War-saxaafadeedka.

Smiley face

About the Author

- Arraale Mohamoud Jaama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Advertisement

Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp