Share this:

" />
Published On: Wed, Feb 26th, 2020

Somaliland: Xukuumadda oo Beenisay War Ay Faafisay BBC-du

Share This
Tags

Hargeysa(ANN)-Xukuumadda Somaliland, ayaa beenisay War maanta lagu baahiyay Idaacadda BBC-da laanteda Afsoomaaliga.

Sidaana waxa lagu sheegay War ka soo baxay Wasaaradda Warfaafinyta Dhaqanka iyo Wacyigelinta Jamhuuriyadda Somaliland oo lagu daadifeeyay in aannay waxba ka jirin Warka maanta duhurkii ay baahisay laanta Af Soomaaliga ee BBC-da.

Warka BBC-da ay faafisay, waxay ku tidhi, “Madaxweynaha Jamhuuriyadda Somaliland Md. Muuse Biixi Cabdi uu kulan xafiiskiisa kula yeeshay Wufuud ka socota Beesha caalamka,kuwaasi oo galabtanna la shiraya axsaabta siyaasadda.”

Hase yeeshee Warka qoraalka ah ee Wasaaradda Warfaafinta oo soo gaadhay galabta oo lagu baahiyay Wakaaladda Wararka Somaliland ee SOLNA, ayaa wax lala yaabo ku tilmaamay warka ay baahisay Idaacadda BBC-da, isla markaana ku tilmaantay mid xaqiiqada ka fog.

” Waxaanay Wasaaraddu  caddanaysaa in aanu jirin kulan uu maanta Madaxweynaha JSL Md.Muuse Biixi Cabdi la yeeshay weftigaas beesha caalamka ee ay BBC-du sheegtay inay la shireen.”

Sidaas awgeed qoraalka Wasaaradda Warfaafintu, waxay Idaacadda BBC-da usoo jeedisay inay ka waantoobaan wararka noocan oo kale ah ee sameyska ah ee ay ka faafinayaan JSL, taasi oo nusqaan ku ah idaacadaas caalamiga ah oo indhaawle noqotay mid si joogto ah warar aan jirin uga faafisa Jamhuuriyadda Somaliland. ayaa lagu yidhi, qoraalka Wasaaradda warfaafinta Somaliland.

Wasaaradda Warfaafintu waxa kale oo ay sheegtay inay ku boorinaysaa Laanta Afsoomaaliga ee BBC-du inay ilaaliso karaamada dhegaysteyaasheeda oo aannay baahin warar been abuur ah.

Dhinaca kale, wefdiga ka socday Beesha caalamka oo maanta Hargeysa soo gaadhay, ayaan la ogayn qorshohooda iyo ujeedada ay yimaadeen Somaliland, balse waxa jira warar sheegaya in socdaalkoodu la xidhiidho khilaafka Siyaasadeed ee ka taagan arrimaha Doorashooyinka.

About the Author

- Arraale Mohamoud Jama Freelance Journalist and Human Rights Activist Arraale, is a 20 year experience as a professional Journalist and human rights activist Over the years, worked for the major News Papers in Somaliland as a reporter, editor and contributor. 2008 established website Araweelo News Network, he currently runs a web site based in Somaliland. who is the specializes in the investigation and reporting on issues relating to human rights, democracy, and good governance. contact: Info@araweelonews.com jaamac132@gmail.com Send an SMS or MMS to + 252 63 442 5380 WhatsApp + 252 65 910 7347.

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

#8Smiley face

Araweelo is an Associated Network News, The most trusted source for news & Political,investigator report,Human Rights Issues,Educations,Social and Democracy ,Latest News Horn of Africa. runs Arraale Mohamoud Jama Freelance Journalist and Human Rights Activist based in Somaliland.

Chat with us on WhatsApp